Euskararen Urtaroa : zuen ideien beharra dugu !

Artikulua euskaraz irakurgai da

2024ko Euskararen Urtaroa azaroaren 22tik abenduaren 3ra iraganen da. Euskal Elkargoak deialdi bat zabaltzen du egitarau aberats baten muntatzeko. Zuen ideien beha gira !

2024-04-15 (e)an argitaratua

Imprimer

Egitarau parte hartzailea

Euskararen Urtaroak ikusmina sortzen du, Euskal Elkargoan gaindi antolatuak diren animazioekin. Aurtengo edizioa nabarmentzen hasten da, herriko etxeek, eragile pribatu eta elkarteek osatuko duten egitarau baten inguruan, azaroaren 22tik abenduaren 3ra.

Partaide hauek gomitatuak dira euskarazko hitzorduen proposatzera (ateraldiak, tailerrak, formakuntzak, eztabaidak, etab…), 2024ko larrazkeneko gertakaria osatzeko. Berritzaileak diren euskarazko hitzorduen argitan emaiteko eta euskararen transmisioa eta erabilpenaren alde ari diren eragileen dinamika azpimarratzeko aukera da.

Herriek antolatzen dituzten animazioak finantzatuko dituzte, aldiz eragile pribatuek eta elkarteek diru laguntza eskaera bat egiten ahal diote Euskal Elkargoari.

Eragile pribatuendako proiektu deialdia

Euskal Elkargoak proiektu deialdi bat zabaltzen du bere lurraldeko elkarte eta eragile pribatuen ekimenak sustengatzeko.

1000 euroko diru laguntza ukaiten ahalko dute animazioka, baldin eta %20ko autofinantzamendua ukan.

Herrien, eragile pribatuen eta elkarteen proposamen guziak maiatzaren 10eko itzuli behar dira, proiektu fitxak betez.

Baliagarria

Euskararen Urtaroari buruzko xehetasun guziak orri dedikatuan irakurtzen eta deskargatzen ahal dira (proiektu fitxak, proiektu deialdi araudia…etab) : Euskararen urtaroa