Euskararen Urtaroa : ehun bat gertakari antolaturik azaroaren 19-tik abenduaren 3-ra, euskarari esker berriz elkartzeko
Artikulua euskaraz irakurgai da
Bat bestearen ondotik izan diren konfinamenduen ondotik, Euskararen Urtaroaren zazpigarren edizio honetaz baliatzen da Euskal Elkargoa, lurraldeko biztanleen arteko harremana azkartzeko, eta plazer, partekatze eta ezagutza mementoak eskaintzeko; hori guzia euskarari esker, bistan dena.
2021-11-15 (e)an argitaratua
Herriko Etxe eta elkarteekin lankidetzan, ehun bat hitzordu antolatuko dira azaroaren 19tik abenduaren 3ra: ikuskizunak, hitzaldiak, erakusketak, tailerrak, jokoak, bisita gidatuak, mendi ibilaldiak…
2021eko edizioaren gertakari nagusiak
- Hitzordu anitz Larresoro, Baiona edo Ligin, euskal kantuak ezagutu edo berriz ezagutzeko, Niko Etxart, Mikel Markez, Eñaut Elorrieta, Aire Ahizpak eta Rafa Rueda kantariak eta Xabier Itzaina eta Gotzon Barandiaran ikerlari eta idazleak bilduko dituzten hitzaldien karietara. Eta kantuz aritzeko: arte-terapeuta batek Ezpeletan eskaini musika eta gastronomia tailerra, bi kantu ikastaldi Makean, kantu gaualdia Anhauzen eta karaokea Bardozen.
- “Artea eta ondarea” 10 bisita gidatu, Euskal Elkargoko Turismo Bulegoak edo Spacejunk-ek antolaturik: Getaria, Donibane Garazi eta Sarako herrien bisitak eta Baionako auzoetan karrikako artelanen ezagutza.
- Tailer anitz argazkigintza, filmen bikoizketa, serigrafia, konpostatzea, dantza eta beste gauza anitz egiten ikasteko.
- “Praktika artistikoaren bidezko filosofia” tailer-zikloa, Olatz Perez irakaslearekin, Hendaia, Hazparne eta Maulen, familian antolatu hitzorduen edo Zinegin festibalaren karietara.
Euskararen Urtaroa euskaldunei –hiztun berri edo zaharrei– zuzentzen bazaie ere, aldibereko itzulpenei eta filmen azpitituluei esker hitzordu batzuk egokituko dira erdaldunentzat.
Praktikoa
2021eko egitaraua telekargatu (pdf, 4,7 Mo)
Urririk. Izen emateekin (egitarauan zehazturik).
Actualités ArtikuluakActualitats
185 millions d'euros d'investissements : un budget 2024 ambitieux pour le Pays Basque
Les élus communautaires ont voté ce samedi 23 mars le budget de la Communauté d'Agglomération Pays Basque pour un montant global de 557 millions…
23. KORRIKA gaur abiatuko da!
Korrika Euskal Herri osoan gaindi ibiliko da, euskararen alde, 11 egunez eta 10 gauz, etengabe. Gaur abiatuko da Irundik, martxoaren 14an,…
Agenda Agenda Agenda
"PLayground" en tournée sur le territoire
asteazkena 22 mai au asteazkena 29 mai
Catégorie(s) : À la une
Le spectacle de cirque du collectif Primavez vient parcourir les places de Louhossoa, Saint-Pée-sur-Nivelle et Saint-Jean-le-Vieux
"Du vent dans les Plumes" promenade dansée à Saint-Palais
igandea 05 mai
Catégorie(s) : À la une
La compagnie Volubilis revisiter le Lac des Cygnes dans une déambulation curieuse et poétique.