Kalakaño, Euskarazko lehen haurtzaroaren denboraldia
Artikulua euskaraz irakurgai da
Martoxaren 13tik 29ra Ipar Euskal Herri osoan, Euskal Elkargoak Kalakaño euskarazko lehen haurtzaroaren denboraldia antolatzen du. Egitarau aberatsa profesionalei, familiei eta haur ttipientzat pentsatua.
2020-02-19 (e)an argitaratua
Martxoaren 13tik 29ra Ipar Euskal Herrian, Kalakaño denboraldiak euskarazko lehen haurtzaroaren inguruan egitarau aberatsa proposatzen du: tailerrak, ikusgarriak, mintzaldiak eta formakuntzak, haur ttipientzat, gurasoentzat, aitatxi-amatxientzat eta profesionalentzat. Haurtzaindegi labelizatu bakoitzean euskarazko ikusgarri bat emana izanen da.
Gertakari ohargarrien artean, martxoaren 14ko eguna. Azkainen guraso-haurren arteko yoga tailerra izanen da. Ainhoan aldiz, "Sagutxo tuntuna" opera ttikiak, musika klasikoa, txontxongiloa, antzerkia eta dantza uztartzen dituen 30 minutuko emanaldia eskainiko du.
"Zer eta nola konda euskaraz haur ttipientzat" mintzaldi animatuaren bitartez guraso eta profesionalek euskarazko haurrendako literaturarekin dute topaldia : Ahetzen martxoaren 17an, Urketan 19an, Uztaritzen 24an, Hendaian 25an eta Lakarran 26an.
Martxoaren 29an, denboraldiaren bukatzeko giro beroan, gurasoen aire-hartzea izanen da, Gurashow emanaldiarekin Itsasun: belaunaldiarteko pik-nika musikala. Haur ttipiak, gurasoak, aitatxi-amatxiak gomitatuak dira ozen kantatzera Sanoki gelan.
Horrenbestez, Kalakaño-k euskarazko 3 ikusgarri berri programatzen ditu haur ttipiei dedikatuak. Sortu berria, Philippe Albor eta Arantxa Hirigoyenen TRUKATRUK, haurtzaindegi labelizatuetan itzuliko da. SAGUTXO TUNTUNA, Bilboko azken Loraldian sentsazioa sortu zuena, familientzat programatua da Ainhoan, martxoaren 14an. Azkenik, handizko sariztatua izan den HARRIZ HARRI, Home Debuixat konpainiaren eskutik, ikusgai izanen da Itsasun martxoaren 21an.
Actualités ArtikuluakActualitats
23. KORRIKA gaur abiatuko da!
Korrika Euskal Herri osoan gaindi ibiliko da, euskararen alde, 11 egunez eta 10 gauz, etengabe. Gaur abiatuko da Irundik, martxoaren 14an,…
Agenda Agenda Agenda
Spectacle "Eclipse et Coquelicot" à Saint-Jean-le-Vieux et Sare
asteazkena 03 api au igandea 07 api
Catégorie(s) : À la une
Un spectacle pour donner goût au spectacle...dès 1 an !