Zokoako gotorlekuak berriz ere ateak irekitzen ditu publikoari

Artikulua euskaraz irakurgai da

Zokoako gotorlekuaren gune historikoa berriz ere irekiko da irailaren 20tik goiti Ondarearen Europar Egunen karietara. Urte guzian bisitak antolatuak dira jende guzientzat eta eskolentzat.

2024-09-13 (e)an argitaratua

Orrialde honetan

Ondarearen Europar Egunen 41. edizioa “itsas ondarearen” inguruan izanen da eta Zokoako gotorlekua ohoretan izanen da; irailaren 20an, ostiralean eskoletako haurrentzat irekiko da eta larunbatean eta igandean jende guzientzat. Hitzaldiak, erakusketak eta bisitak ezinbesteko leku horren ezagutzeko parada izanen dira. Euskal Hirigune Elkargoak segurtasun neurriak hartuko ditu bertan, 2017az geroztik hura baita gotorlekuaren kudeatzailea. 

Egitarau aberatsa Ondarearen Egunen karietara

Zokoa gotorlekuaren barnealdea ikusteko bisita zainduak iraganen dira Ondarearen Egunen asteburuan. Euskal Elkargoa, Errekoletoak AOIZa, Donibane Lohizuneko eta Ziburuko badiako herriarteko sindikatua eta Ziburuko Herriko Etxea elkartu dituen proiektu kolektiboa da:

“Zokoako gotorlekua” erakusketa: Itsas Begia elkarteak sortu Zokoa gotorlekuaren maketaren ezagutzea. Elkarteko kideek gotorlekuaren bilakaeraren ardatz nagusiak aurkeztuko dituzte:

Larunbatean eta igandean: 16:00etan

Hitzaldia: Zokoa, gotorleku bat itsasoan

Nicolas Faucherre fortifikazioen historialariak eta arkeologoak argitan ezarriko ditu Frantzian hedatu ziren defentsa-sistemaren barne zen Zokoa gotorlekuaren berezitasunak.

Irailaren 20an, ostiralean: 18:30ean

Gotorlekuaren bisitak Euskal Hirigune Elkargoaren partaidetzarekin.

  • Zokoa, Vaubanen kontradibidea:  Nicolas Faucherre historialariak lagundu bisita; monumentu enblematikoaren ulertzeko gakoak emanen ditu.
    Larunbatean
  • 9:30ean eta 10:30ean
  • Zokoako gotorlekua: badiaren zaintzailea: Zokoako gotorlekuko harresira sartzea Donibane Lohizuneko eta Ziburuko Arte Eta Historia Herrialdeko gidari-hizlariekin. Larunbatean: 14:30ean eta 16:00etan - Igandean: 10:00etan eta 11:30ean / 14:30ean
  • Portuan: Zokoa gotorlekuaren historiaren ezagutzea Itsas Begia elkartearekin.
    Larunbatean eta igandean, karpa pean: 10:00etatik 12:0etara / 14:00etatik 18:00etara

Gertakari horren osatzeko bisita zainduak antolatuko dira 2024-2025. ikasturte osoan jende guzientzat eta eskolentzat.

Zaharberritzea urteetan zehar

Badu zenbait urte Euskal Hirigune Elkargoa ondare kulturaleko eraikin nagusi horren zaharberritzen hasi dela leku hori herritarren egunerokoan errotua den bizi espazioa egiteko. 

Zaharberritze obrak epe luzera eginen dira. Euskal Elkargoak, Ziburuko Herriko Etxearekin lankidetzan, okupazio iragankorretarako norabideak lantzen ditu zaharberritze denboran lekua biziarazteko. Gotorlekua Ondarearen Europar Egunen karietara bisitaraztea proiektu horren barne da. 

Beste proiektu batzuk jakinaraziko dira zaharberritze obrak aitzinatu arau.

Actualités ArtikuluakActualitats

Aktualitate guziak