Fermeture expérimentale de la route de la Corniche du 21 mai au 7 juin 2024
L’ensemble des partenaires concernés par la Corniche basque (Etat, Département des Pyrénées-Atlantiques, Communauté d’Agglomération Pays Basque et son…
Artikulua euskaraz irakurgai da
2021-05-06 (e)an argitaratua
Bere ateak 2011ko azaroan irekiko dituen Eihartzea Bardozeko haurtzaindegia, Euskal Elkargoak kudeatzen duen 11. haurtzaindegia da. 320 m²-ko azalera duten lokal berrietan kokaturik, 20 haur har ditzake aldi berean. Egitura, astelehenetik ortziralera irekia izanen da, 07:30etik 18:45era. Haurren aldean, 6 agentek, sukaldaritzako agente batek eta zuzendari batek osatuko dute taldea.
Lokalak hona honetan osatuak dira: harrerarako ataria, egongela, bi aktibitate-gela, jantokia, aldatzeko-gela, lau ohetegi, zuzendaritza-bulegoa, lokal teknikoak eta kanpoaldeko eremu bat, korralea eta lorategiarekin. Proiektu pedagogikoak aurreikusten du espazioak haur guziei irekitzea eta adin taldeak nahastekatzeko aukera. Gelak, ken daitezkeen trenkadaz osatuak dira, aktibitate komunak egiteko.
Kalitatezko apairuak eta harrera eleanitza
Haurrei zerbitzatutako apairuak, berrikitan bere zerbitzuaren kalitateari esker « Bio-engaiatu erakunde » gisa labelizatua izan den Bidaxunealdeko sukalde zentralean apailatuak izanen dira, eta produktuen %50a ekoizpen iraunkorrez osatuko da (bio eta kalitatezko labelak), hauen artean %20, Bio laborantzatik datozenak.
Bidaxunealdeko hirueleduntasuna (frantsesa-euskara-okzitaniera gaskoia) kontutan hartuz, aitzinikusia da, familien hautuz proposatzea, frantsesa-euskara harrera elebiduna eta okzitaniera gaskoiari buruzko sentsibilizatze ekintzak urte osoan.
Xehetasunak eta izen emateak
Noémie Lesbats zuzendariarekin harremanetan jarriz: 05.59.55.53.97 / multiaccueil.paysdebidache@communaute-paysbasque.fr. Hitzordu bat finkatua izanen da, eskaeraren modalitateen zorrozteko. Lekuen esleitzeko batzordea maiatz hondarra/ekain hastapenean bilduko da.
Hurbileko Zerbitzu-etxe berri bat Bardozen
Haurtzaindegi hau, Euskal Elkargoak eta Bardozeko Herriko etxeak eramaten duten Hurbileko zerbitzu-etxearen proiektuaren baitan sartzen da. Azken hau ere, 2021eko urte hondarrean irekiko da, handitua eta osoki arraberritua izan den 19. mendeko Eihartzea etxearen baitan kokatuko da.
Zerbitzu publikoko eskaintza zabal bat proposatua izanen da herriaren erdian eta Osasun etxetik hurbil.
Eihartzea Etxe arraberrituan aurkituko dira: harrera-gune bat, publikoarenganako zerbitzu-permanentziak France Services labelizatua den gune batean, herriko posta-agentzia eta Ipar Euskal Herriko Gizarte Ekintzako Herriarteko Zentroaren adar bat (etxez etxeko laguntza-zerbitzuak – laguntza hornitzailea eta mandataria, elikadura banaketa), bilkura-gela bat.
Hedapen berrian: elkargo-haurtzaindegia eta herriko etxeak kudeatzen duen ludo-mediateka.
L’ensemble des partenaires concernés par la Corniche basque (Etat, Département des Pyrénées-Atlantiques, Communauté d’Agglomération Pays Basque et son…
Les élus du conseil permanent ont voté ce mardi 9 avril de nouvelles aides financières pour le Pays Basque, notamment sur l’agriculture,…
Kalakaño, Euskal Elkargoak eta bere partaideek antolatzen duten euskarazko lehen haurtzaroaren ekitaldia da. Apirilaren 12ra arte, animazio anitz…
asteazkena 22 mai au asteazkena 29 mai
Catégorie(s) : À la une
Le spectacle de cirque du collectif Primavez vient parcourir les places de Louhossoa, Saint-Pée-sur-Nivelle et Saint-Jean-le-Vieux
igandea 05 mai
Catégorie(s) : À la une
La compagnie Volubilis revisiter le Lac des Cygnes dans une déambulation curieuse et poétique.