Xiberoa: maskaraden denboraldia abiatu da

Neguaren bihotzean, Xiberoa maskaraden erritmoan inarrosten da. Urtero, herri ezberdin batek antolatzen du ihauteriko ohitura-ibiltari hau.

Maskaradakariek multzo koloretsu eta burrunbatsua osatzen dute eta igande guziz inguruko herri batera higitzen dira. Aurten, Atharratzeko eta Aloze-Ziboze-Onizegaineko gazteek Mauletar gazte talde bati eman diete lekukoa.

Ondorioz, hamabost ospakizun iraganen dira urtarril erditsutik apirilera.

Ondoko maskaradak iraganen dira:
Urtarrilaren 22an Atharratzen eta 29an Pagolan. Otsailean: 5ean Mendikotan, 11n Gamere-Zihigan, 19an Ürrüstoi-Larrabilen eta 25ean, Altzürükün. Marxoaren 4an, larunbatarekin, Mauletarrak Müsküldirat joanen dira; 11an, larunbatarekin Idauze-Mendirat; 19an, igandearekin Zalgizerat eta 26an, igandearekin Urdiñarberat. Azkenik, apirilean, itzuliak Larrainen segituko du 2an, igandearekin; Barkoxen 2an, igandearekin, Hokin 16an, igandearekin, eta Maulen bururatuko da apirilaren 22an, larunbatarekin.