Araztegi berria Bidarten: 5,6 milioi euro inbertituak uraren kalitatearentzako

Agorrilaren 27an Euskal Elkargoak Kapera karrikan kokatua den Bidarteko araztegi berriaren estreinaldi ofiziala antolatu zuen. Osoki modernizatua, araztegi horrek Bidarteko, Ahetzeko eta Arbonako ur zikinak tratatzen ditu orain, 37.300 biztanle baliokiderainoko (BB) gaitasunarekin, hazkunde demografikoari eta ingurumen eskakizun zorrotzagoei eraginkortasunez erantzuteko.

Eguneratzea:2026(e) ko otsailaren 10a

Zerrendara itzuli Berriak

Haren lurralde proiektuan, Euskal Elkargoa erreken kalitatea hobetzera engaiatzen da, bereziki eremu naturalera iritsi aitzin ur zikinak tratatzen dituzten saneamendurako ekipamenduak modernizatuz. Bidarten araztegi berri baten eraikitzeak helburu horri erantzuten dio.

Hastapen atean 1971n abian emana eta 1997an zaharberritua, araztegia haren gaitasun mugara iritsi zen, saturatzeko arriskuarekin. Zaharberritze osoa zerbitzuaren jarraikitasuna bermatzeko, eremu naturalak babesteko - itsasbazterra eta itsasoa - eta biztanleen bizi kalitatea zaintzeko beharrezkoa zen. 2018ko Hirigune Elkargoaren eskumen hartzearen ondotik, egingarritasun eta obra agintaritza azterketek bi urteren barnean lanen egitera eraman dute, tratamenduaren jarraikitasuna bermatzen zen bitartean. 

Irudi argigarria
CAPB

Emaitza oneko araztegi baterako berrikuntza nagusiak

Zaharberritze proiektuak hobekuntza handiak ekartzea ahalbidetu du:

  • Tratamendu gaitasuna 37.300 biztanle baliokideraino handitu da, biztanleen beharrak eta turismo fluxuen kudeaketa bermatuz;
  • Ingurumen eta akustika emaitza hobea, auzoentzako trabak gutitzeko helburuz intsonorizatuak diren eraikinetan instalaturiko puntako ekipamenduei esker;
  • Lursail gibelaldean kokaturiko aireztapen urmael berriaren kokatzea, harrabots trabagarrik molde eraginkorrean mugatzeko;
  • Energia kontsumoa mugatzen duten emaitza oneko ekipamenduen instalatzea;
  • UV bidezko hirugarren mailako tratamenduaren plantan ezartzearen ondoriozko trataturiko uraren kalitate biziki ona, ur eremuen zaintzea eta bainu uren araberakotasuna bermatuz. Tratamenduaren kalitatea kontuan hartuz, Euskal Elkargoko eta Bidarteko zerbitzuek aldi berean lan egiten dute ureztatzeko eta sareen garbitzeko helburuz araztegiko ur tratatuak berrerabiltzeko. Helburua edateko uraren erabilpena eta ur baliabideen gain den presioa gutitzea da. 
Irudi argigarria
CAPB

Lurralde dinamika orokor batean sartua den proiektua

Operazio hori, Hirigune Elkargoak garatzen duen Ipar Euskal Herriko saneamendu sarearen modernizatzeko programa handiaren barnean sartzen da. Araztegi batzuk zaharberritu dira, hauen artean Lakarra, Beskoitze, Makea, Lekorne, Arberatze eta Eihelararrekoak, beste batzuk modernizatze bidean edo programatuak diren artean, besteak besten Bildozen, Donibane Lohizunen, Hendaian, Larrainen, Irisarrin, Baigorrin, Bidaxunen, Burgue-Erreitin, Kanbon edo Bastidan.

Bestalde, muntadura gehigarriak, bereziki ur zikinen biltegiratze urmaelak, herri batzuetan (Azkaine, Milafranga, Biarritz, Hiriburu, Donapaleu) programatuak dira, saneamenduak ingurumenean duen eragina are gehiago mugatzeko gisan. 

Orain