Bidarte-Getaria antolaketarako lankidetza proiektua : 6,5 milioi euro kostaldearen erosioari egokitzeko

Bere geologia eta paisaien aniztasunari dagokionez, euskal itsasbazterra ikusgarria da baina baita zaurgarria ere. Urtero, hondardun itsasertzak 20 zentimetro galtzen ditu bataz-beste eta itsasertz arrokatsua 50 eta 100 zentimetroz gibelatzen da. Azken urteetan hainbat lur mugimenduk eta ekaitzek agerian utzi dute Bidarte eta Getaria herriak bereziki hunkitzen dituela erosio eta urperatze arriskuak. Klima aldaketa eta hirigintzak arrisku hauek areagotzen ditu. 

2021ean Donibane Lohizune Frantzia mailan aitzindari izan ondotik, 2023an, Euskal Elkargoak eramaile gisa, bere Mugikortasun Sindikatuak eta Bidarte eta Getaria herriek aurkezu Antolaketarako Partaidetza Proiektua aintzat hartu du Estatuak. 2023-2025 artean, 6,5 milioi euro bideratuko zaizkio. 

Bidarte eta Getariako itsasbazterrari egokitu erantzuna 

Bidarte-Getaria APPak hamabost bat ekintza aurreikusten ditu itsasbazterra klima aldaketaren eraginei egokitzeko. Bitarte eta getaria artean 5,5 km hartzen dituen itsasbazter zati honen espazio-berreraketa laguntzea da helburua. 
Ekintzen gauzatzea abian da, aurrekontuaren %40 engaiatua da eta 2025 abeduaren 31a arte segituko du. Lau ekintza ardatz hautatu dira :

• ondasun eta pertsonak babestea, beharrez birkokatuz
• mugikortasun modu alternatiboak sustatzea
• zenbait eremu naturari itzuliz espazio naturalak balioestea
• Eremu zaurgarriak babestuz espazio ikusgarriak balioesteaErdibidean ikusgarri diren ondorioak

Erdibidean ikusgarri diren ondorioak

Bidarten, erronka nagusia itsasbazterra egokitzea da denen segurtasuna bermatzeko: 

• Zentroko hondartzaren inguruan egokitze proiektu handi bat abian da. Sustengu-lanak burutu beharko dira besteak beste hondartzako karrikan agertu diren pitzadurei aurre egiteko. Pareta iltzatuak ere aurreikusiak dira muinoen mugimenduari erantzuteko.  
• Itsasbazterreko bidea babesteko lanak eram dira hamar hilabetez berriz ere ideki aitzin.  
• Euri urak kudeatzeko sistemak ezarri dira irazgaiztu azalera murriztu eta eremuak hobeki mantentzeko.
• Embruns zabalgunea naturari itzuli eremu bat bilakatuko da hondartzara buruz ibilaldi eta lekutze erabilera berriak izanen dituena

Getarian, erronka alde batetik burdinbidea eta bestetik kosta-lerroaren gibelatzearen artean kokatzen da: 

• Ikerketa bat burutuko da Euskal Elkargoaren obra-gidaritzapean jokoan diren interes ezberdinak bateratzeko.
• Belvédère-eko aprakalekuan ikerketa bat abiatuko da azken buruan oinezkoei lekua egin, aparkaleku zenbait kendu eta sasoien arabera leku-aldatzen ahalko diren egiturak garatuz

APParen baitan eraman ekintzei jarraipena eman eta lurralde guzian zirkulazioa arintzeko, Mugikortasun sindikatuak besteak beste bizikleta zaintze zerbitzu bat eskaintzen du udan Bidarteko lau hondartzatan (Uhabia, Zentroko hondartza, Pavillon Royak eta Ilbarritz). 2025eko urtarrilaren 6etik aitzina Txik Txak sarearen eskaintza %30ez emendatzeak autoari hainbat alternatiba eskainiko ditu, 3 lineako autobusak 15 minutuero pasako direlarik. Egun 30 minutuero pasatzen dira. 

Itsasbazterreko eragile guziak biltzen dituen partaidetza

APPa xede berritzailea da eta egokitze konplexu bat edo gehiago burutzea sustatzen du lurraldeko garapen iraunkorreko helburuei erantzuteko, Klima eta erresilientzia legeari jarraiki. Proiektuaren gauzatze etapa ezberdinetako partaide guziak biltzen ditu. Izenpetzaileez gain beste hainbat partaide ere badira: Eskualde, Departamendua eta Itsasbazterreko Interes Publikoko Elkargoa. 

Antolaketarako Partaidetza Proiektuaren aurrekontua

Zenbateko osoa : 6 502 254 €
Estatua – Funts berdea : 2 884 500 €
Bidarteko Herria  : 2 852 754 €
Getariako Herria : 425 000 €
Euskal Elkargoa : 290 000 €
Mugikortasun sindikatua : 100 000 €