Arte master baten sorrera Ipar Euskal Herriko Goi Mailako Arte Eskolan

2024ko irailetik, Arte Eskolak masterraren balioa duen eta diploma nazional batera daraman bigarren ziklo bat eskaintzen du. Bilakaera nagusi horrek gaur egungo eskaintza osatzen du, honako hauek barne hartzen dituena: 

• Bi prestaketa klase (artea eta diseinua)
• Lizentzia mailako diploma nazionala lortzeko lehen zikloa.
• 7 urtetik gorako haurren, nerabeen eta helduen praktika plastiko amateurreko tailerrak. Tailer hauek diziplina artistiko ezberdinetakoak dira (marrazketa, pintura, zeramika, eskultura, grabadura, argazkigintza eta baita multimedia edo grafitia ere).

Lurraldean errotu formakuntza

Masterraren proiektu pedagogikoa erabat sartzen da ikastetxearen mugaz gaindiko dinamikan. Bere lurralde finkatzeak oinarri egokia eskaintzen du modalitate pedagogiko espezifikoetarako, ikerketa mintegietarako, ikasketa bidaietarako eta nazioarteko mugikortasunerako.

Jean-René Etchegarayk azpimarratu du: "Lurralde askotan kultura bigarren mailan gelditzen den bitartean, arte eskolek Estatuaren atxikimendua progresiboki galtzen duten ber eta aurrekontuen murrizketen aurka borrokatu behar dutenean, hemen, Ipar Euskal Herrian, hautu argi bat egiten dugu: babesten dugu, sustatzen dugu, defendatzen dugu".

Jean-Pierre Laflaquière-ek adierazi du: "Arte masterrak aukera ematen du gure lurraldean goi mailako irakaskuntza artistikoa aberasteko, mugaz gaindiko dimentsio batekin, europarra eta nazioartekoa".

Pedagogia berritzailea

Arte eskolaren berezitasunak:

• Irakasle iraunkorrek eta artista gonbidatuek osatutako talde pedagogikoa.
• Arte garaikideko profesionalak gonbidatzeko politika.
  Modalitate pedagogiko espezifikoak: ikerketa-mintegiak, ikasketa-bidaiak, nazioarteko mugikortasuna

Masterra idekitzeak, Ipar Euskal Herrian ikasketa ibilbidea bukatu eta lurraldeko bizitza aktiboan sartzeko aukera emanen die ikasleei. Era berean, orotariko ikasleak erakartzeko aukera ematen du. Eskolan, ikasle bakoitzak bere arte ikerketa eta profesionalizazio proiektu indibiduala garatzen du, mugaz gaindiko eta nazioarteko dimentsio bat barne hartuz. Horrela, ikasleak lan plastiko jarraitua egiten du, mugikortasun akademikoa edo praktikak egiten eta memorio bat idazten du.

Instituzio arloko babes azkarra

Euskal Elkargoak Arte Eskolarekiko bere engaiamendua berresten du. Kultur lankidetzarako erakunde publikoa da, Kultur ministeritzaren zurkaizgoan. Babes hau arte arloko goi mailako ikasketak garatzeko borondatearen baitan kokatzen da, gazte talentuei formatzeko eta tokian berean garatzeko aukera ematen diena.  

Goi mailako ikasketetan diren 120 ikasle eta atelieretan parte-hartzen duten 1 000 amateurrekin, Arte Eskola Ipar Euskal Herriko unibertsitate biziaren eragile garrantzitsua da.