Estudianteendako Euskara iniziazio-tailerrak sartzean

Helduek molde intentsiboan euskara ikasteko Euskaldundu beka osatzeko, Euskal Elkargoak, Ipar Euskal Herriko goi-mailako ikastetxeekin partaidetzan, estudianteei euskara iniziazio-tailerrak eskainiko dizkie unibertsitate-sartzean.

Eguneratzea:2025(e) ko irailaren 1a

Zerrendara itzuli Berriak

Côté Sud Photo

Euskara jakiteak eskaintzen dituen aukerei lurraldeko ikasleak sentsibilizatzeko, Euskal Elkargoak, goi-mailako irakaskuntzako eragileekin partaidetzan, euskararen iniziazio-tailerrak sortu ditu.

Tailer horiek Euskal Elkargoak abian jarri duen Euskaldundu beken dispositiboa osatzen dute, helduen euskalduntze intentsiboa bultzatzea helburu duena. Helduak lehentasunezko publikoa dira, helburu hau betetzeko: 2050ean lurraldeko biztanleen %30 euskaldun izan dadin.

Estia-k, Largenté-k, ISABTP-k eta Paueko eta Aturrialdeko Unibertsitateko 2EI kolegioak ekimen honetan parte hartzen dute.

21 oren iniziazio

Irailetik goiti, 21 oreneko iniziazioa eskainia izanen da, 3 egunetan banaturiko tailerrekin.  Klaseek euskarara, kulturara eta lurraldera hurbiltzeko parada eskaintzen die ehun bat ikasleri.  Tailerren helburua hau da: ikasleak euskararen ikasteko prozesu sakonago bat abiatzera bultzatzea, zeina Euskaldundu beken bidez diruzta baitaiteke.

Formakuntza bururatzean, ikasleak hauen egiteko gai izanen dira: 

  • euskarazko hitzak zuzen ahoskatzea, beren burua aurkeztea, besteak agurtzea eta beren burua denboran eta espazioan kokatzea
    beren eskola edo unibertsitatea laburki aurkeztea
  • euskarak presentzia handiagoa izan dezan, obratu beharreko ekintzak identifikatzea
  • euskal kultura interpretatzeko lehen gakoak ukaitea. 
     

Orain