Ekologia trantsizioa: tokiko elkarteen proiektuak sustatzeko deialdia

Elkarte bat zara eta klima-aldaketara egokitzeko, bioaniztasuna zaintzeko, energia berriztagarriak garatzeko, mugikortasun jasangarria sustatzeko edo ekonomia zirkularra bultzatzeko proiektu bat duzu? Euskal Hirigune Elkargoak «Energia eta ekologia trantsizioa» deialdia berriz abiatu du, lurralde iraunkorrago eta erresilienteago bat eraikitzen laguntzen duten tokiko ekintzak sostengatzeko. Laguntza 15.000 euro artekoa izan daiteke.

Eguneratzea:2026(e) ko irailaren 1a

Zerrendara itzuli Berriak

Tania Cardineau

Berritzea, esperimentatzea eta lurraldeko indar biziak mobilizatzea... hori da «Energia eta ekologia trantsizioa» proiektu-deialdiaren helburua. 2026ko edizioaren segidan, ekimen inspiratzaile anitz laguntzea ahalbidetu baitzuen, Euskal Hirigune Elkargoak 2027ko kanpaina berria abiatu du, anbizio handikoa izaten segitzen duena.

Tresna hori bereziki elkarte-eragileei zuzendua da. Elkarte-sare trinko eta bereziki dinamiko horretan oinarrituz, Euskal Hirigune Elkargoak klima-aldaketaren tokiko erronkei erantzun sinesgarri eta iraunkorrak eman nahi dizkie. Kontsumo arduratsua, energia berriztagarriak, karbono gutxiko mugikortasuna, bioaniztasuna, ingurumen-hezkuntza, ingurumen-osasuna edo zientzia parte-hartzailea... gai-eremuak anitzak dira. Dirulaguntzak gastu hautagarrien %50 arte estali dezake, egitura bakoitzeko gehienez 15.000 euroko mugarekin.

Diru-laguntzaz harago, ekintza berritzaile eta berrerabilgarriak sustatzea da proiektu-deialdi honen helburua, lurraldeko beste eragile batzuk inspiratu eta Euskal Herriko Klima Planaren helburuak lortzen laguntzeko. Interesa duten egiturek urriaren 2ra arte aurkez dezakete hautagaitza-dosierra.
 

2022az geroztik elkarteei etengabeko sostengua

Klima Planeko neurrien artean kokatua, elkarteei ematen zaien laguntza funtsezko palanka da trantsizio ekologikoa arrakastaz gauzatzeko. 2022an abiatu zen «Energia eta ekologia trantsizioa» proiektu-deialdiak dagoeneko berrogeitik gora proiektu finantzatzea ahalbidetu du, kasik 380 000 euroko inbertsioarekin. Tokiko erronkei erantzuten dieten eta lurraldeetan dinamika iraunkorrak abian jartzen laguntzen duten ekimenak dira. Adibide gisa aipa daitezke Ikerlan-Recherche elkarteak lurpeko inguruneetako biodibertsitateari buruz (leizeak, kobak eta abar) egiten dituen ikerketak, BLEk gernuaren balorizazio-sektore baten egituratzea, edota La Pagaie Sauvage kolektiboak garatutako herritar-sarea, Euskal Herriko ibaietako mikroplastikoak kartografiatzeko.

Orain