Xiberoan, erretretatu batzuek eskulanen oinarriak transmititzen dizkiete gazteei

Astearte arratsaldetan, 17:00etan, Gotaine-Irabarneko autotegi zahar baten argiak pizten dira. 10 eta 16 urte arteko hogei bat gazte hamalau formatzaile boluntarioekin biltzen dira - denak erretretatuak - eskulangintza tailerrak segitzeko. Ongi etorri Xiberoko Outil en Main elkartera, eskulangintzako antzeen transmisioari eskainia den elkarte horren euskal adarretarik zaharrena.

150 haur baino gehiago formatuak hamar urtez

“Hamar urtez, Xiberoko 150 haur baino gehiago formatuak izan dira” azaltzen dute Jean Agor lehendakariak eta Marie-Hélène Othondo idazkariak. Horien artean, Maxence, 11 urte, Ezpeize-Ündüreinekoa. Onizepeko ikastetxean dabil eta arlo desberdinetan trebatzeko aukera atsegin du. Txapela buruan, aita bezala, bere kontu lan egin nahi du, aitak bezala. “Hemen bikain da denetan sudurra sartzeko” dio tailerrak zerrendatu aitzin: zurgintza, lauza-igeltsugintza, teilatugintza, joskintza, trikota lana, erlezaintza, elektrika, mekanika, argazkilaritza numerikoa, tindaketa...

Parte hartzaileek hiru astearte eskaintzen dizkiote tailer berari aldatu aitzin, proposaturiko sail guziak saiatu arte. Maxenceri hainbeste gustatu zaion non bere inguruan ere aipatu baitu. “Ikaskideak etorrarazi ditut” dio irriz.

“Gazteak gure mezulari hoberenak dira” berresten du Marie-Hélène Othondok. Ate irekiek, tokiko ekitaldietan parte hartzeak eta Xiberoko Botza eta Mendililia irratietako aipamenek elkartea ezagutaraztean parte hartzen dute.

Jestuak eta antzeak transmititzea

Badu bost urte Robert Larraineko elektrikari ohiak (69 urte) parte hartzen duela Outil en Main elkartearen galtzarrean. Bere lanbidearen oinarriak irakasten dizkie haurrei, borondate onez. “Ekaia hunkiaraztea, hamar behatzak nola erabili erakustea, haien trebetasuna aztertzea da gustatzen zaidana”. Urteak joan urteak joatearekin, gazte batzuek aprendiz gisa ikasten segitu dute.

Joni (10 urte) tailerren aniztasuna zaio gehien gustatzen: “Zur lana anitz atsegin izan dut zurgintza tailerrean, baita zaharrengandik ikastea ere”. Tindaketa, elektrika eta joskintza tailerretan ere parte hartu du. “Nepalgo bandera josi dut. Nire amatxik hara eraman ninduen 4 000 metroko mendi bat igatera.”