Euskararen urtaroa: ehun hitz-ordu azaroaren 21etik abenduaren 3ra euskaraz bizi gaitezen

Azaroaren 21etik abenduaren 3ra, Euskararen Urtaroak Euskal Elkargoaren, herriko etxeen, elkarteen eta eragile pribatuen ekintza kolektiboa balioesten du, egunerokoan euskararen erabilera laguntzen duten zerbitzuak, tresnak eta espazioak garatzeko. Lurralde osoan hitzordu bereziak eskainiko dira: hitzaldiak, ikuskizunak, tailerrak, bisita gidatuak... euskaraz dastatzeko, entzuteko, irakurtzeko edo, besterik gabe, praktikatzeko gogoa eta aisialdia ardatz dituzten jarduera anitz.

Ekitaldiak lurralde guzian

Azaroaren 21etik abenduaren 3ra, 100 ekitaldi baino gehiago antolatuko dira, bakoitzak bere gustukoa aurkitzeko gisan. Hemen adibide batzuk:

• Ikusteko eta entzuteko ikuskizunak: 22an, larunbatez, «Bidasoatik Harago» musika eta poesia ikuskizuna Atharratze-Sorholüzen eskainiko da. Egun berean, Alabena konpainiaren Plisti Plasta ikuskizuna, familientzat eta 2-7 urteko haurrentzat, Hazparnen izango da. Azkenik, Dejabu konpainiaren Itzulera antzezlana ostiralean, 28an, Donapaleun programatua da.
   
• Ikasteko eta pentsatzeko tailerrak: Euskararen Urtaro osoan zehar, Euskaltzaindiak proposatutako «Pirinioetako hizkuntzak / Les langues des Pyrénées» erakusketa ikusgai izango da Kanbon. Azaroaren 27an, Launako elkarteak haurren orientazioari buruzko hitzaldi parte-hartzailea eskainiko du Larzabalen. Azaroaren 29an, 3 eta 10 urte bitarteko haurren elikadura orekatua lantzeko tailerra egingo da Bardozen. Gainera, Peio Berterretxe antzerkigile eta ikerlariak hitzaldi bat emango du gaur egungo kabalkadaren rolaren inguruan: «Euskal kultura herrikoia eta diglosia», azaroaren 27an Euskal Museoan, Baionan.
   
• Jolasteko eta dastatzeko jarduerak: Azaroaren 26an, asteazkenez, Uztaritzen, 16 eta 25 urte bitarteko gazteek irrati tailer batean parte hartu ahal izango dute, Gure Irratian zuzenean emitituko den saioa prestatzeko. Azaroaren 22an, larunbatez, mini-liburuak sortzeko tailer sortzailea egingo da, Educenjeu elkartearen eskutik, 8 urtetik gorakoentzat irekia, Donibane Garaziko elkargo liburutegian. Azaroaren 28an, ostiralez, karaokea antolatuko du Khanta Urdinarbe elkarteak, Urdiñarben.
   
• Lurraldea ezagutzeko eta gozatzeko irteerak : Azaroaren 26an edo abenduaren 3an, asteazkenez, Mehaka gune historikoaren bisita gidatua antolatuko da Baigorrin. Egun berean, Ziburun, Lagun Artean elkarteak récollets komentuko bisita gidatua eskainiko du, sorginkeriaren epaiketak ezagutzeko.

Edizio berri bat, denei idekia

Euskararen Urtaroa denei idekia zaie, nork bere gustuko ekintzak atzeman ditzan!

• Euskaldun zahar eta berrientzat, aukera ederra da ezagutzak egin eta euskararen inguruan momentu atseginak iragaiteko.
• Ikasten ari direnentzat, aukera bikaina da ingurune euskaldun batean murgildu eta hizkuntza praktikatzeko.
• Eta euskara deskubritu nahi dutenentzat, animazio zenbaitetan aldibereko itzulpena izanen da hizkuntzarekin lehen kontaktu bat izan dezaten.

Euskararen Urtaroa abenduaren 3rarte iraganen da, euskararen nazioarteko egunera arte.

Atzeman ekitaldi guziak webguneko agendan : https://www.communaute-paysbasque.fr/eu/berriak/gertakariak/euskararen-urtaroaren-2025eko-egitaraua