Senpereko araztegiaren estreinaldia 8,4 milioi euroko inbertsioa

Bere lurralde proiektuan, Euskal Elkargoak eskualdeko erreka eta ibaien uraren kalitatea hobetzeko engaiamendua hartua du. Horretarako, ur zikinak natur inguruneetara iritsi aitzin tratatzen dituzten araztegiak modernizatzen ari da. Senpereko araztegi berriaren eraikuntzak engaiamendu horri erantzuten dio.

Obra eredugarria

Proiektua 8 000 m²-ko eremuan garatu da, eta horietatik 4 700 m² berrerabilitako materialekin bete dira. Hala, obrak ingurumenarekiko duen inpaktua apaldu da: baliabide berrien ustiapena saihestu eta hondakinen sorrera murriztu. Gainera, araztegi berria 4,5 metro altxatua da, eta bere egiturak ehun urtetik behingo uholde-kotaren gainetik kokatu dira, ekipamendua ibaiaren uholde-arriskutik babesteko.

Ahalmen handiagoa, ur gutiago xahutuz

Araztegiak orain 20 000 biztanle baliokideren urak trata ditzake —lehen baino 5 000 gehiago—, eta euri handietan hirukoiztu egiten du tratamendu-gaitasuna. Tratatutako uraren zati bat bertan berrerabiltzen da, eta horri esker, urtero 4 000 m³ ur edangarri baino gehiago aurrezten dira.

Ingurumena eta auzotarrak errespetatuz

Ekipamendu eraginkorrek zarata eta usainak mugatzen dituzte. Kanpoko espazioak landareztatu dira biodibertsitatea sustatzeko. Araztegi zaharra desegin da, eta haren gunea naturari itzuli zaio, ibaiak bere espazioa berreskura dezan uholde kasuan.

Ibilbide pedagogiko batek aukera ematen du araztegia ezagutzeko eta haur zein helduak uraren babesaren garrantziaz kontzientzia har dezaten. Horretarako bereziki pentsatutako informazio-panelak jarri dira.