Ipar Euskal Herria “Elektrifikatzeko 100 lurralde”-en artean hautatu du estatuak

Gobernuak joan den maiatzean “elektrifikatzeko 100 lurralde” identifikatzeko programa bat abiatu zuen. Euskal Elkargoak bultzatu hautagaitza hautatua izan da. Urraspide honen helburua gas bero-eragileen isurketa murriztea da, bai eta energia independentzia azkartzea. Nazioarteko krisi errepikakorrei erantzun behar die, zeinen ondorioek lehenik zaurgarrienak ukitzen dituzten. 

“Elektrifikatzeko 100 lurralde” plan hau 2026 eta 2032 artean iraganen da eta Estatuaren 3 laguntza ardatzetan egituratua da :

• Bideko garraioaren elektrifikatzea eta birkargatze-azpiegituren garatzea ibilgailu elektrikoentzat;
• Etxekoak fuel bidezko berogailutik ateratzen laguntzea;
• Gasetik ateratzea planifikatzea, ukituak diren etxekoak lagunduz. 

Estatu urraspidetara sarbide erraza Gobernuaren boz-eramaileak era Energiaren ardura duen ministro delegatuak atzo adierazi zuen “elektrifikazio plan globalaren 10 mila milioi euroak eskuragarri dira energia ekonomia ziurtagiriei esker hemendik 2030era” eta hautatu lurraldeetara bideratuko dira. Konkretuki, Estatu urraspideetara sarbidea errazkiago egingo da Hirigune Elkargoarentzat. Hala herriei, herritarrei eta ekonomia eragileei baliabide gehiago eskaini ahal izango zaizkie karbono-gabetze proiektuentzat, finantzaketa eta ingeniaritza aldetik.Programak era berean, oztopoak gainditzeko bidea ideki behar du, abian diren proiektuen garapena segurtatuz. 

Hona Estatuaren sostenguz garatzen ahalko diren ekintzen adibideak:

• Bero-ponpen edo ibilgailu elektrikoak birkargatzeko borna instalatzea;
• Etxebizitza sozialen eta eraikin publikoen berriztatze energetikoa zalutzea;
• Energia eta artisautza sektoreak elektrifikatzea.

Baliabide gehigarriak ekintza zehatzak azkartzeko 

“Elektrifikatzeko 100 lurralde” programak Euskal Hirigune Elkargoak egunerokoan lurraldeko ekologia eta energia trantsizioaren alde egin lana azkartuko du:

• Mugikortasun garbiaren garapena, jada %40 elektrikoa den autobus sarea hemendik 10 urtera guziz elektrikoa izan dadin;
• Euskal Elkargoko ibilgailuen karbono-gabetzea (autoak, kamioi astunak, hiribus eta autobus) bai eta Bil Ta Garbi hondakinen tratamendurako sindikatuaren ibilgailuena hemendik 2050era, 2025ean lehen bilketa kamioi elektrikoen erostea egin ondotik;
• Etxekoak energia berritzean laguntzea Bizitegi eta Energiaren etxearen bidez, hemendik 2050era urtean 5 900 etxe berritzeko, besteak beste gas galdara bat beroponpa baten bidez ordezkatzeko; • Herriak 150 eraikinen energia berriztatzen eta 200 gunetan eguzki energia hartzen laguntzea;
• Energia berriztagarri termikoei sostengu masiboa (eguzki-energia, geotermia, talasotermia, biomasa, gainerako beroa) jada finantzatu 21 proiekturekin (2,5 milioi euro) ADEME-ekin lankidetzan 2023 eta 2026 artean, 15 GWh-ko ekoizpena, 3 300 etxeren urteko kontsumoa;
• Autokontsumo kolektiboko proiektu berritzaileen egituratzea, bai eta bero zein hotz sareen egituratzea.