Tram’bus, txik txak sarearen bizkarrezurra, hiria eraldatu eta basusarrira helduko da 2026an

Abian ezarri eta bost urtera, Tram’bus TXIK TXAK sarearen bizkarrezur gisa kokatzen da eta zeharkatzen dituen hirien berritzean eragin du. Euskal Elkargoaren galdeari erantzunez Hego Euskal Herrian Irizar enpresak sortu eta garatua, mugikortasun moderno, arin eta erakargarria gorpuzten ditu eta eremu publikoaren eraldaketan zein zeharkatzen dituen auzoen dinamizazioan parte-hartu. 

Hiri eraldaketaren motor bat 

Bere abian ematea espazioak ber-pentsatzeko, auzoak ber-dinamizatzeko eta jarduera-eremu berrien garapena sustatzeko parada izan da. Hiria ulertzeko modu berri baten erakusgarri da: berdeago, arinago eta eskuragarriagoa. 

Mintzo diren zenbakiak

• Bost segundu guziz igotzen da bidaiari bat Tram’bus batera !
• 2020tik 17 milioi bidaiari garraiatuak
• %30ez emendatu da erabilpena azken hiru urteetan
• Errekor bat 2025eko apirilean: 387 000 bidaiari
• T1 linea (Baiona ↔ Biarritz): 2,9 milioi bidaiari 2024ean
• T2 linea (Tarnose ↔ Baiona): 1,1 milioi bidaiari 2024ean

Garapen garai berri bat T2 linearentzat 

Saint-Léon eta Sutar arteko lanak bururatu dira jada. Segida abian da: Sutar eta Basusarriko Makila arteko lanak 2025 bukaeran hasi eta 2026 hondarrerako T2 linea Makila arte martxan izango da. Sektore horretako jarduera eremuetara irisbide zuzen bat eskainiko du, autoari alternatiba eraginkorra, bereziki etxetik lanerako bidea egiteko. Garraio denbora ere murriztuko du, Makila eta Maignon-eko biribilgune artean 2,5 kilometro atxikiei esker.

15 minutuz behin, Tram’bus bat abiatuko da Makilatik eta Teknohirira 10 minutu baino gutiagoan iritsiko da eta Baiona zentrora 20 minutu baino gutiagoan. Tram’bus-era errezki iritsi ahal izateko, 670 autorentzako tokia izanen da Makila eta Maignon artean proposatu hiru aparkalekutan.

Tram-tipien iristea

Uda honetatik aitzina, Baiona eta Donibane-Lohizune lotzen dituen 3 linean lau tram-tipi emanen dira zirkulazioan, ardatz horretan den mugikortasun galde handiari erantzunez (kasik 4 000 bidaiari/egunero). Linea honek autobusei atxiki bideez baliatuko da  Angelun (Espainiako etorbidean abian diren lanak 2025 bukaeran burutuko dira) eta Biarritzen (aireportuko eta Mousse-eko biribilguneen arteko lanak 2025 bukaeran burutuko dira).  

Tokiko arrakasta nazioartean dir-dir-ka

Tram’busa gure mugetatik harago da erakargarri. Tokiko erabiltzaileak bereganatu ondotik, Londres, Madril edo Mexikora esportatzen da. 

%100 elektrikoa izanen den sare baterantz 

Mugikortasun sindikatuak helburu ausarta eman dio bere buruari: 2032an bere autobus-flota %100 elektrikoa izatea. TXIK TXAK sareko autobusen %43 elektrikoak dira jada eta trantsizioak aktiboki segitzen du lurralde guziari garraio karbono-gabetua eskaintzeko.