Euskal Elkargoko Goi-mailako Arte-eskolak ateak irekiko ditu datorren otsailaren 22an

Datorren otsailaren 22an, larunbata, Biarritzen eta Baionan, Euskal Elkargoko Goi-mailako Arte-eskolak ate irekiak antolatzen ditu. Jardunaldi horretan, bisitariek irakaskuntza-gune ezberdinetan gaindi ibiltzeko aukera izanen dute, proposatuak diren formakuntzak deskubritzeko eta irakasle eta ikasleekin mintzatzeko. Halaber, idazkaritza pedagogikoak mobilizatuak izanen dira, galdera administratiboei erantzuteko eta bertan sartzeko modalitateen berri emateko.

Bisita gidatuez gain, bisitariek ikasleen ekoizpenak deskubritzeko aukera izanen dute, haien obrak erakusten dituzten dilingan ezarritakoen bidez. Erakusketa horiek aukera ematen dute proiektu-aniztasunaz ohartzeko eta formakuntzaren berezitasunak hobeki konprenitzeko.

Formakuntza artistiko zorrotza eta ezagutua

EGAEk, Euskal Hirigune Elkargoaren laguntzarekin, Bac+3 (Arte Titulu Nazionala - lizentzia gradua) eta Bac+5 (Adierazpen Plastikoko Goi Mailako Titulu Nazionala) mailako arte-formakuntzak eskaintzen ditu. Bi prestaketa-klase eskaintzen ditu ere : Arte-prepa eta Design-prepa, arte- eta diseinu-eskola handietako lehiaketak, helburu dituzten ikasleei zuzenduak.

Irakaskuntza, lau toki ezberdinetan iragaten da: Baionako Arte-hirian, Biarritzeko Rocailles, Blanchisserie eta Robinson etxeetan. Leku horietako bakoitzak asko ekipamendu eskaintzen ditu: pintura-tailerrak, bolumen-espazioak, argazki- eta bideo-estudioak, muntaketa-gelak edo oraino ere, gomitatuak diren artisten mintzaldi eta topakentendako entzun-aretoak.

Ikastetxea, arte-irakaskuntzako hainbat sare nazionaletan sartzen da, eta ondorioz, bere ospea eta beste eskola batzuekilako lankidetzak indartzen ditu.