Euskal Txirrindularitza Oldarra (Essor cycliste basque) berriz dator 51. ediziorako

Euskal Txirrindularitza Oldarra 1976 sortu zen, garai hartan aurkezlea zen Christian Bibalen ekimenez. Berrogeita hamar urte berantago, euskal lehiaketak txirrindulari amaturren denboraldia hasten du beti eta erreferentzia da Frantzia mailan.

Goi mailako 5 lasterketa proposatzen dituen ekitaldi bakanetariko bat da, kostaldea eta barnealdearen artean antolatua. Berrogeita hamar bat herrietatik iraganen da, eta geldialdiko hiriak Bokale, Kanbo, Donapaleu, Donazaharre, Duzunaritze eta Maule izanen dira.

Euskal Txirrindularitza Oldarrari esker, Frantziako itzulia irabaziko zuten zenbait txapeldun nabarmendu ziren Ipar Euskal Herriko bideetan, hala nola Laurent Jalabert, Richard Virenque, Thomas Voeckler, Warren Barguil (Oldarraren irabazle 2012an), Romain Bardet (igaile hoberena Bidaxunen), Kenny Elissonde (irabazle Bidaxunen), Rudy Molard (irabazle Bardozen), baita Arnaud Démare, Adam Yates, Christophe Laporte, Julian Alaphilippe, Jacky Durand edota David Moncoutié ere.

Badu zenbait urte Euskal Txirrindularitza Oldarrak Euskal Herri osoko talde hoberenak ere erakartzen dituela, besteak beste Caja Rural, Kern Pharma bigarren talde profesionalak edota Euskadi taldea, Euskaltelen aitzin-taldea. Aurten, Gipuzkoa, Nafarroa eta Bizkaitik etortzen diren zazpi taldek parte hartuko dute, la continentale fédérale professionnelle Vendée U bezalako Frantziako talde handien ondoan.

Geldialdi bakoitzean, txirrindulari hoberena protokolozko ohore taulada gainean iganen da atorra berezia janzteko, Euskal Hirigune Elkargoak babesturik.

Testua Christian Bibal kirol kazetari ospetsu eta Euskal Txirrindularitza Oldarraren sortzaile eta antolatzaileak idatzi du.

Zuzenean ikusteko:  www.directvelo.com