Maiatzaren 1ean: hondakin-bilketarik ez eta hondakindegiak zerratuak

Maiatzaren 1ean, ortzeguna, ez da etxe-hondakinen bilketarik eginen lurralde osoan. Batzuk kenduak dira, besteak aitzinatuak edo gibelatuak. Horrez gain, Ipar Euskal Herriko 25 hondakindegiak hetsiak izanen dira.

Eguneratzea:2025ko apirilaren 28a

Zerrendara itzuli Berriak

Legenda : Collecte des ordures ménagères L. Tomassi / CAPB

Maiatzeko besta egunen karietara, etxe-hondakinen bilketa berrantolatua izan da. Bilketa batzuk kenduak, aitzinatuak edo gibelatuak dira. Lurralde-eremu bakoitzaren araberako xehetasunak beherean aurkituko dituzu.

Jakitekoa da ere, Ipar Euskal Herriko 25 hondakindegiak hetsiak izanen direla. Maiatzaren 8an aldiz, usaiako irekitze-tenoretan ariko dira.

Xiberoako lurralde eremuan

Maiatzaren 1eko eta 8ko estalkien eta paperen edukiontzi gurpildun indibidualen bilketak aitzinatuak izanen dira, bata maiatzaren 31ra (asteazkena) Sohütan eta Mauleko B sektorean, eta bestea, maiatzaren 7ra (asteazkena) Onizepean, Espeize-Ündüreinen, Sarrikotapean eta Lixozen.

Euskal Kostaldea-Aturriko lurralde eremuan

Estalkien eta paperen edukiontzi gurpildun indibidualen bilketarik ez da izanen maiatzaren 1ean (ortzeguna), aldiz maiatzaren 8koa (ortzeguna) egina izanen da. Zure estalkiendako eta paperendako, borondatezko ekarpen-gune kolektibo batzuk aurkituko dituzu beharrez eremu publikoan. Bizitegi-eraikinetako eta eremu publikoan dauden edukiontziak bilduak izanen dira apirilaren 30ean (asteazkena) eta maiatzaren 2an (ortziralea).

Hego Lapurdiko lurralde eremuan

  • Ziburuko, Getariako, Hendaiako, Donibane Lohizuneko (Ipar-ekialdea) estalkien eta paperen bilketa selektiboa maiatzaren 3ra (larunbata) gibelatua da.
  • Arbonako maiatzaren 1eko (ortzeguna) etxe-hondakinen bilketa maiatzaren 2ra (ortziralea) gibelatua da.

Errobiko lurralde eremuan

Maiatzaren 1eko edukiontzi gurpildun indibidualen bilketa maiatzaren 3ra (larunbata) gibelatua da.  Bilketak usaian bezala iraganen dira beste besta egunetan.

Errobi-Aturriko lurralde eremuan

Maiatzaren 1eko edukiontzi gurpildun indibidualen bilketa maiatzaren 3ra (larunbata) gibelatua da.  Bilketak usaian bezala iraganen dira beste besta egunetan.

Orain