Ipar Euskal Herriko 2024ko Alokairuen Behatokia: zenbaki nagusiak

Ipar Euskal Herrian eta Hego Landesetan bizitegi pribatu multzoa da familiak hartzen dituen multzo nagusia. Lau familiatik bat baino gehiago (% 28) bertan bizi da, hau da, 53 600 familia baino gehiago, eta kasik 95 000 biztanle.

2024an, ikertu eremu osoko bana besteko alokairua 650 €-koa zen 67 m²-ko bana besteko azalerarako, hots, 11,3 € / m², baina zenbakia nabarmenki aldatzen da tokiaren arabera. Oroitarazteko, 2023an, eremu berean bana besteko alokairua 691 €-koa zen 67 m²-ko bana besteko eremu baliokiderako, hots, 10,4 €/m². Beraz, alokairua doi bat emendatu da urte batez.

1. eremuari dagokion euskal itsasbazterrak, Biarritz, Bidarte, Getaria eta Donibane Lohizune barne, ditu alokairu gorenak, 725 €-ko bana besteko prezioarekin 62 m²-ko bana besteko azalera baterako, hots, 11,7 €/m². Konparatzeko, 2023an, 1. eremuan bana besteko alokairua 768 €-koa zen 64 m²-rako, hots, 12,0 €/m²: itsasbazterreko alokairu-mailaren egonkortasun erlatiboa.

Kontrara, barnealdeko eremuetan dira, hala nola Donibane Garazin, Donapaleun edo Maule-Lextarren, alokairu apalenak, 600 € ingurukoa bizitegi handiago baterako. Oroitarazteko, 2023an, 4. eremuan bana besteko alokairua 632 €-koa zen 82 m²-ko bizitegi baterako, hots, 7,7 €/m², eta horrek baieztatzen du eremu horietako alokairuen bilakaera neurrizkoa dela baina erreala.

Kontuan hartu behar da Ipar Euskal Herriko tentsio-guneko 24 herrietan alokairuen arautzea 2024 bukaeran sartu dela indarrean. Beraz, aurkeztu zenbakiek ez dute oraino neurri horren eraginik erakusten, eta beharbada ondoko urteetako alokairuetan eragina ukanen dute.