Txik Txak: denei egokituriko abonamenduak sartzerako

2025eko urtarrilaz geroztik, TXIK TXAK eskaintza %30-ez emendatu da: autobus gehiago itsasbazterrean, geltokien bikoiztea kostalde ondoan eta barnealdean, eta jadanik lurraldearen %100-era iristen den eskaera bidezko garraio zerbitzu berria, gisa horretan garraio publikorik gabeko eremua desagerraraziz. Sartze honen karietara, TXIK TXAKek eguneroko joan-etorriak errazteko eskuragarri diren abonamendu formulak oroitarazten ditu.

Publiko guzientzako abonamenduak

Helburua: eguneroko joan-etorriak erraztu aitzinkontuak arintzearekin batera.

• 28 urtez petikakoentzako: 8,50 € hilabeteko urteko abonamenduarekin, edo 4 € prezio solidarioarekin.
• 65 urtez gorakoentzako: 7,50 €-tik goiti hilabeteko prezio solidarioarekin.
• 28 eta 65 urte artean: 15,50 € hilabeteko, enplegatzailearen %50eko parte hartzearekin. Kasuaren arabera, parte hartze hori %75era igo daiteke eta baita %100-era ere.

Aurrezpenen estimatzea sarean

www.txiktxak.fr webgunean eskuragarri den simulatzaile batek, etxea-lana joan-etorrirako garraio publikoa lehenetsiz egiten diren aurrezpenak kalkulatzea ahalbidetzen du. Estimazioen arabera, aurrezpen horiek hilabeteko 400 €-ra iritsi daitezke bataz beste.

TXIK TXAK abonamenduak lurraldeko autobus eta Tram’bus guzietarako, Eskaera bidezko garraiorako sarbidea ematen du, eta baita bizikleta aterpe segurerako ere. TXIK TXAK + TER formula bateratuak, gainera, prezio abantailatsuan eta enplegatzaileak bere gain harturik TER sarean karta bakarrarekin bidaiatzea ahalbidetzen du.

Informazio praktikoak

Abonamenduei eta zerbitzuei dagozkien xehetasun guziak webgunean eta TXIK TXAK aplikazioan eskuragarri dira.