« Goxo-Lekua » haurrak astialdietako errezibitzen dituen zentro bat da, zeinari Jeunesse et Sports egiturak ahalmena eman baitio. 2017ko urtarrilaren 1.az geroz Euskal Hirigune Elkargoak du kudeatzen. Oroz gainetik, Iholdi-Oztibarre lurraldeko 3 eta 16 urte arteko haur eta gazteen errezibitzeko, pizteko eta sozializatzeko leku bat da.

• Goxo-Lekua izena haurrek eman zioten, duela 17 urte orain, han bizitzea goxo baita…  Bakantza denboran, taldea zuen haurrer horren proposatzera lehiatzen da: memento goxo baten pasatzea, bakantza memento lasai bat, besteekin partekatua, ezagutza berriz eta esperientziaz betea; egiazko bakantza memento bat, segurtasun osoan!
• Goxo-Lekuak, bestalde, hurbileko muntadura izanez, zerbitzua eta ekintzak proposatzen ditu, familiekin hurbileko lotura atxikiz. Leku inportantea bilakatu da, lurraldeko haur eta gazteendako antolatu ekintzen plataforma bat.
• Goxo-Lekua egitura beti lanean ari izan da, eta orain ere hala segitzen du, gure lurraldeko haur eta gazteer kalitatezko aktibitateak eta kanpoari idekitzeko paradak eskaintzeko.      
• Goxo-Lekuaren abiapuntua ondoko oharra da: kanpañen geroa, herrietan bizi diren gazteen geroari lotua zaio. Gazteak «lurraldearen geroa» direla erraiten da, ardura. Beraz, gazteer zuzendu eta gazteen aldeko egintzek lehentasuna ukan behar dute.    

• Goxo-Lekuak euskararen erabiltzeari ere lehentasuna emaiten dio, bai aktibitateen denboran, bai burasoekilako harremanetan, ahal bezainbat.

Proiektu pedagogikoa 

ERREZIBITU PUBLIKOA

Zentroak lurraldeko 3 eta 16 urte arteko haur eta gazteak errezibitzen ditu.

Ahalmen urriko haurren errezibitzeko ere prest da.

Ahalmen urriko haurren errezibitzean, helburu berak dira. Laguntzeko moldean du zentroak hurbilketa berezia proposatzen. Astialdi zentroan, ahalmen urriko haur bat errezibitzearen helburua gaitasun sozialen garatzea, beste haurren ezagutza egitea eta besteak bezala, besteen artean jostatzea da. Familiaren eta astialdi zentroaren artean, errezibitze protokolo bat finkatua izanen da.  Beti entseatzen gira gure errezibitze baldintzen hobetzera eta haur guziek aktibitateetan parte hartzeko manera ukan dezaten ahal den guzia egitera. Ez duda, zatozte gurekin mintzatzera, egokitzea posible da eta zure haurraren errezibitzeko aterabideak pentsatzen ahal ditugu.

EGOITZAK

Astialdi zentroa Irisarrin da, eskola publikoaren egoitzan, azpiegitura desberdinen ondoan: erabilera anitzeko sala, plaza laxoa, futbol zelaia, tenis zelaiak, herriko jantegia (100 leku).

ERREZIBITZEKO MOLDEAK

• Zentroa 09:30etarik 17:30ak arte idekia da.
• Egiturak egunka edo asteka baizik ez du funtzionatzen, bazkariarekin.
• Haurtzaindegia proposatua da, kitorik, 08:30etarik 18:00ak arte.

HAURREN GARRAIOA

Geografikoki urrun izaIteak ekartzen dituen joan-jin arazoen konpontzeko, haurren garraioa egunero antolatua da, lurraldeko herrietako haurrak zentrora biltzeko.

Bi garraio-ibilbide badira. Zentroak Irisarriko Etchegaray garraio enpresarekin eta Landibarreko Eyheramounho garraio enpresarekin lan egiten du.

Zentroak, ahal delarik, garraioa bere autobus ttipiekin ere segurtatzen ahal du.

Zure haurra autobusean sartuko den mementotik aitzina, animatzaile baten ardurapean izanen da. Autobusetan gerrikoak badira.

AKTIBITATE NAGUSIAK

• Aktibitate desberdinak: haurrer eta gazteer proposatu aktibitateek praktika berrien ezagutzeko parada emaiten dute: kirolak edo kanpoko aktibitateak, eskulanak, aktibitate zientifikoak eta teknikoak, ikastaldiak, ateraldiak…
• Epe laburreko egonaldiak.
• Igeri egiten ikastea: igeriketa kurtsoak

IZEN EMAITEKO MOLDEAK   

• Programen banatzea:

Zentroko programak lurraldeko eskola guzietan banatuak dira eta kolegioetako ikasleer postaz igortzen zaizkie, herriko etxeetako zerrendak baliatuz. Programak eta izen emaiteko paperak interneten ezarriak dira bakantza bakotxa baino lehen. Telekargatu eta igorri behar dizkiguzu izen emaiteko epea bukatu aitzin.

Zentroan 3 eta 5 urte arteko haurrendako 24 leku badira.

Lehen urrats batean, 3-5 urteko taldearendako, lekuak telefonoz erreserbatu behar dira, Michèle Héguy zuzendariari telefonatuz, ondoko zenbakira: 06.73.73.70.16.

DOSIER BATEN OSATZEKO

• Haurrari buruzko argibide fitxa
• Osagarriari buruzko lotura fitxa eta txertatzeen liburuxkaren fotokopia
• Zure familia kozientea -Familien Laguntza Kutxari (CAF) edo Laborantzako Mutualitate Sozialari (MSA) galdegitekoa- edo zergen deklarazioa
• Familien Laguntza Kutxak edo Laborantzako Mutualitate Sozialak eman bakantza eta egonaldietako laguntzak (horien ukaiteko eskubidea baldin baduzu)
• Hautatu aktibitateetan izena emaiteko fitxa
• Erantzuletasun zibileko urteko agiria
• Rafting-a egin nahi dutenendako igeriketa agiria ukaitea baitezpadakoa da.

Txosten hori, zerbitzuari helarazi eta, urte osoko bali da.

Izen emaitea kontuan hartzen da bakarrik haurraren txosten administratiboa osoa delarik. Langile arduradunen, apairuen eta garraioen antolaketarendako, izen emaiteko epea errespetatu behar da. Epemugaren ondoko izen emaiterik ez da onartuko. Aitzinetik finkatu egunak zor dira, salbu huts egitea justifikatua baldin bada.

HARREMANA

Telefonoa  : 05 59 37 66 65 -  goxolekuacommunaute-paysbasquefr