Mugazgaindiko lankidetza

Imprimer

E-MOBASK

HIRI GARRAIO PUBLIKO ERRAZ, INTEGRATU ETA IRAUNKORRAK EUSKAL EUROHIRIAN
E-MOBASK mugazgaindiko proiektuak hiri garraio publiko erraz, integratu eta iraunkorrak garatu nahi ditu Euskal Eurohirian (Baiona – Donostia), bereziki garraio guztietan balio duten txartelak plantan emanez eta elektromugikortasuna garatuz.

Hiru urteko iraupena du (2018-2020) eta 1.8 milioi euroko aurrekontua orotara (haietan 1.1 milioi FEDER-enak); 3 partzuer hauek daramate proiektua:

Donostiako garraio publikoen sozietateak DBUS (gidaria),
Euskal Herri-Aturriko Mugikortasunen Sindikatua (SMPBA),
Gipuzkoako Garraioen Agintaritza.

Hartara, 2018ko urtarrilaz geroztik, partzuerrek honako ekintza hauei ekin diete:

Mugazgaindiko bidaiariei dauden garraio publikoei buruzko informazioa hobetzeko azterketa eta ekintza plana (elkarlanean Mugikortasunen Sindikatuaren eta Gipuzkoako Garraioen Agintaritzaren artean)
DBUS eta mugikortasunen sindikatuaren sareetan bidaiarientzako informazio tresna berritzaileak plantan ematea.
Gipuzkoako eta mugikortasunen sindikatuaren sareetan balia litekeen txartel sistema bakarra plantan emateko masterplana (elkarlanean Mugikortasunen Sindikatuaren eta Gipuzkoako Garraioen Agintaritzaren artean)
Donostiako sarean open ordainketa plantan ematea.
Ipar Euskal Herriko eta Donostiako ibilgailu multzoetan ibilgailu elektrikoak sar daitezen bultzatzeko eztabaida teknikoak (elkarlanean DBUS eta mugikortasunen sindikatuaren artean).

E-MOBASK proiektuaren % 65a Eskualdeen Garapenerako Europar Funtsak diruztatzen du (FEDER), Espainia-Frantzia-Andorraren arteko lurralde lankidetzarako programaren barnean (POCTEFA 2014-2020).

POCTEFA proiektuaren xedea Espainia, Frantzia eta Andorraren arteko mugaldearen ekonomia eta gizartea bateratuagoa izan dadin lortzea da. Lurraldearen garapen iraunkorra bultzatzen duten estrategia bateratuen bitartez mugazgaindiko ekonomia, gizarte eta ingurumen jardunen garapenetarako laguntza ematen du.

SMARTMOB

Mugazgaindiko mugikortasunaren beharrei arrapostua eman nahiz, Euskal Herri-Aturriko Mugikortasunen Sindikatuak (gidaria), Hendaiako Herriko Etxeak, Irungo Udalak, Bidasoa-Txingudi Patzuergoak eta elkartu diren beste hiru partaidek, hau da, Akitania Berri-Euskadi-Nafarroako Euroeskualdeak, Hondarribiko Udalak eta Donibane Lohizuneko Herriko Etxeak SMARTMOB proiektua asmatu dute.

Partzuerrek ikusmolde berri bat bultzatzen dute: mugikortasun iraunkor eta adimentsua, erabiltzailea baliabidearen erdian kokatzen duena.

SMARTMOB proiektuak mugazgaindiko mugikortasun iraunkorra bultzatu nahi du lurralde jakin batean, hau da, Bidasoa-Hego Lapurdin, erdigunea txingudi badia duelarik (Hendaia, Irun, Hondarribia), mugaren alde bietako bidaien erdi-erdian dena.

Bidasoa-Txingudi bizilekua:

«eguneroko mugitzeen % 90 autoz egin ohi dira»;
«11 000 ibilgalu arinek zeharkatzen dute egunero Pausuko zubia, eta bi aldiz gehiago Santiago zubia»,
«Bidaien ia % 40a hurbileko mugimenduak dira, guztiak Bidasoa-Txingudi Partzuergoaren eremuan».

Egiten ari diren ekintzak: mugazgaindiko lurraldeko garraio sareetan bidaia txartel bakarra, seinaletika hobetzea herrien sarbide eta aterabideetan, hiribus elektrikoen lineak, Mugikortasun planak enpresetan, toki administrazioetan, etab.
Mugazgaindiko SMARTMOB proiektuaren aurrekontua iraunen dituen 3 urteotarako (2018-2021) 2 108 627 eurotakoa da.

Proiektu horren % 65a Eskualdeen Garapenerako Europar Funtsak diruztatzen du (FEDER), Espainia-Frantzia-Andorraren arteko lurralde lankidetzarako programaren barnean (POCTEFA 2014-2020). POCTEFA proiektuaren xedea Espainia, Frantzia eta Andorraren arteko mugaldearen ekonomia eta gizartea bateratuagoa izan dadin lortzea da. Lurraldearen garapen iraunkorra bultzatzen duten estrategia bateratuen bitartez mugazgaindiko ekonomia, gizarte eta ingurumen jardunen garapenetarako laguntza ematen du.

EDERBIDEA

BAIONA – DONOSTIA- IRUÑEA– MUGAZGAINDIKO BIZIKLETA POLITIKA BATERANTZ

EDERBIDEA mugazgaindiko lankidetzako europar proiektuak bizikleta erabiltzea sustatu nahi du eta Baiona, Iruiñea eta Donostia arteko mugazgaindiko lurraldean bizikleta bideen jarraikitasuna bururatu.

Proiektu horren % 65a Eskualdeen Garapenerako Europar Funtsak diruztatzen du (FEDER), Espainia-Frantzia-Andorraren arteko lurralde lankidetzarako programaren barnean (POCTEFA 2014-2020).
Lau urtetan egitekoa da (2016-2020) eta orotara 9,4 milioi euroko aurrekontua du (haietan 6,1 milioi FEDER-enak); Gipuzkoa, Nafarroa eta Pirinio Atlantikoetako 12 partzuer ditu: Pirinio Atlantikoetako Departamentua, gidaria ere delarik, Euskal Herri-Aturriko Mugikortasunen Sindikatua, Gipuzkoako Foru Aldundia, Nafarroako Gobernua, Irun, Hendaia, Imotz, Biarritz, Donibane Lohizune hiriak, Baztan Bidasoa Turismo Elkargoa, Cederna Garalur elkartea eta Plazaolako Turismo Partzuergoa, honako ekintza hauen inguruan bildurik:

Mugazgaindiko bizikletabideen eskema egitea
Baiona-Donostia-Iruiñea lotzen dituen bizikletabide baten hornikuntzak eta segurtapena
Jokamoldeak aldatzeko laguntza (informazioa, bizikletaz aritzea bultzatzeko ohartaraztea)
Bizikletaren eta beste garraio moldeen arteko bateratzea erraztea (autobusa, trena, auto bakarrean bidaiatzeko elkartzea).
Horren karietara, Euskal Herri-Aturriko Mugikortasunen Sindikatuak honako ekintza hauek garatzen ditu:

Hego Lapurdiko bizikleta eskema egitea mugazgaindiko bizikleta eskemaren barnean.

Bizikleten autozerbitzua aztertu eta plantan ematea Irunen eta Hendaian).
Mugazgaindiko bizikletaren besta antolatzea Txingudi bizi arroan 2019ko udazkenean.
Hendaiako geltokiaren intermodalitateari buruzko azterketak.

Gehiago jakiteko: www.ederbidea.com