Enpresa ipar euskal herrian kokatu nahi dut

Enpresak garatzeko, kokapen egokia atzematea funtsezkoa da. Ongi pentsatu eta zorrozki eraiki behar da. Orrialde honetan, Ipar Euskal Herrian plantatzeko aholku eta laguntza praktikoak atzemanen dituzu.

Eguneratzea:2026(e) ko otsailaren 12a

Ipar euskal herrian plantatzeko arrazoiak

  • Ekonomia dinamikoa, Frantziako estatuko langabezia tasa apalenetakoa;
  • Bikaintasun sail identifikatuak eta sostengatuak: Aeronautika, Eraikuntza iraunkorra, Numerikoa, Ekonomia urdina, Osasuna, Laborantzako elikadura, Arte eta ekoizpen artisautza, Logistika;
  • Kokapen geografiko estrategikoa, Bordeletik 2 orenera, Pauetik oren 1era, Okzitaniako Tolosatik 3 orenera eta Bilbotik 2 orenera;
  • Garraio-azpiegitura osagarriak: aireportu bat, hainbat geltoki, A64 eta A62, pleitagune bat eta industria-portu bat;
  • Formakuntza eta ikerketa eskaintza anitz garatzen ari: ESTIA ingeniari-eskola, UPPA, etab.
  • Oso abiadura handiko telekomunikazioak;
  • Berrikuntza errazten duen ekosistema, Teknopoloa, ikerketa-laborategiak, enpresa berritzaile anitz;
  • Bizi kalitate paregabea, itsaso eta mendi artean;
  • Natur eta kultur ondare aberatsa;
  • Enpresen sorkuntzaren eta garapenaren zerbitzuko hirigunea;
  • Kanpoko enpresak lurraldean plantatzeari buruzko zerbitzu berezia: Basque Invest. 

Euskal ekonomiako sail estrategikoak 

Euskal Hirigune Elkargoak ekintzak 8 jarduera-sailen inguruan antolatzen ditu, lurraldeari garapen ahalmen handia ekartzen baitiote.

  • Industria aeronautikoak eta ekai aurreratuak, gaitasunak azpikontratatzeko enpresen ehuna berezitasun-ekoizpenen ekosistema bilakatzen laguntzen baitu;
  • Laborantza – Laborantzako elikadura, “Ipar Euskal Herria, lurralde zuzena, biharko laborarien lurra” proiektua obratzen baitu;
  • Eraikuntza iraunkorra, ohiko jarduera-sektorean ingurumen, energia-aurrezte eta urritasun erronkak barneratzen baititu;
  • Numerikoaren industriak eta zerbitzuak, lurraldea numerikoaren industrien eta zerbitzuen laborategi eta lurralde gisa kokatzen baitu;
  • Ekonomia urdina, Ipar Euskal Herriak ozeanoaren sailean duen lekua sendotzen baitu, Frantziako, Europako eta Akitaniako Eskualdeko dinamikekin osagarri izan dadin;
  • Ekoizpen artisautza, trebetasunean eta garapenean ahalmen handiak dituzten enpresak eta sailak identifikatzen eta laguntzen baititu;
  • Osasunaren Industriak eta MedTech, tokiko industria-liderren eta arlo horretako datuen erronken inguruan kapitalizatzen baitu;
  • Logistika, ekoizpen-ekonomia sostengatzeko zerbitzu eta azpiegitura metropolitanoen eskaintza eraikitzen baitu. 

Hona hemen Ipar Euskal Herriko garapen ekonomikoari buruzko bide orriak: 

Ipar euskal herrian non kokatu? 

Ipar Euskal Herrian, enpresa plantatzeko aukera anitz dago. Gogoan atxiki enpresa orok egoitza bat ukan behar duela, helbide hutsa izanik ere.

Aktibitate ekonomiko guneak

Lurraldean, 136 aktibitate ekonomiko gune daude; horietatik 82 publikoak dira, eta elkargoak ditu kudeatzen. Aktibitate ekonomiko gune batean plantatzeari buruz informazio gehiago behar baduzu, Euskal Hirigune Elkargoko Garapen ekonomikoaren zuzendaritzari idatz: deveco@communaute-paysbasque.fr. 

Ipar Euskal Herriko Teknopoloaren guneak

Ipar Euskal Herriko Teknopoloa lurraldeko garapen ekonomikoaren egiazko motorra da (2015etik RETIS labela du), eta sail berritzaileak garatzen laguntzen ditu. Balio erantsi handia duten enpresendako eremu emankorra sortzen du, goi-mailako irakaskuntza, ikerketa, garapen ekonomikoa eta enpresendako zerbitzuak 6 gunetan uztartuz:

  • Izarbel, Bidarten, industriaren eta zerbitzu numerikoen inguruan;
  • Teknohiria, Baionan, aire eta espazioko teknologien eta ekai aurreratuen inguruan;
  • Arkinova, Angelun, eraikuntza iraunkorraren inguruan;
  • ID Océan, kokapen anitzeko gune teknopolitanoa, ozeanoko teknologien inguruan;
  • Laster Laborantzako elikagaien inguruko 5. gune bat, Aiziritzen;
  • Laster Osasunaren Industriaren eta Medtecharen inguruko 6. gune bat. 

Teknopoloko gunetik kanpo teknopolo bat sortzea ere planteatua da. Lurraldean barreiatuak diren eragileak lurraldeko dinamika kolektibo horretan barneratzeko aukera eman beharko luke. 

Enpresa hazitegiak eta hotelak

Enpresa hazitegiek eta hotelek enpresa berriak sortzetik sendotu arte hazten laguntzen dituzte. Enpresa hazitegiak eta hotelak orokorrak ala gaikakoak izan daitezke; lokal egokituak eskura emateaz gain, enpresaburuendako zerbitzu sorta ere eskaintzen dute: proiektu eramaileen banakako eta taldeko laguntza, saretzea, eragileen arteko sinergiak…

Ikus Elkargoko hazitegien zerrenda

Coworking guneak

Coworking guneak edo hirugarren lekuak duela urte batzuk sortu ziren, eta haizea alde dute! Lan eremu partekatu horiek biziki malguak dira eta beharren araberako lan gune bat ukateko parada ematen dute, egun baterako ala urterako, aski kostu apalean. Enpresaburuek, autonomoek eta telelangileek topaketa eta emulazioa eragiten dituztelako ere estimatzen dituzte. 

Ikus Ipar Euskal Herriko hirugarren lekuen zerrenda 

Garatzeko laguntzak ipar euskal herrian

Euskal Hirigune Elkargoak enpresak laguntzen ditu Ipar Euskal Herrian garatzen, laguntza berezituaren eta laguntza zuzenen bitartez. Zerbitzu hori baliatzeko, Garapen ekonomikoaren zuzendaritzari idatz: deveco@communaute-paysbasque.fr.

Info:  

Eremu geografiko jakin batzuetan, kokatzeko zerga-abantailak ere ukan daitezke. Frantziako Ekonomiaren Ministerioak, bere webgunean, dispositiboen panorama aurkezten du. 

Enpresa-eraikinen behatokia

Ipar Euskal Herriko Enpresa Eraikinen Behatokia 2013an sortu zen. Lurraldeko bulegoen jarduera-lokalen eta merkataritzako biltegi eta lokalen dinamika nagusiak aztertzen ditu. Grafikoen, mapen eta zenbaki-datuen bitartez, Ipar Euskal Herriko enpresa-eraikinen diagnostikoa ematen du. 

Ipar Euskal Herriko Enpresa-Eraikinen Behatokia kontsultatu (FR) 

 

Formulaire de satisfaction

Informazio horiek baliagarri gertatu ote zaizkizu?

Zerbait ments zaizu?

Nola hobe dezakegu orrialde honen edukia?

E-helbidea honela behar da idatzi: mail@example.com