Olha hirugarren lekua bankan

Zer da olha hirugarren lekua?

Olha hirugarren lekua 2018an tailer parte hartzaileen bitartez abiatu herritar desmartxaren ondorioa da. Tokiko enpresendako eta lankidetzarako gune berritzailea da. Ipar Euskal Herriko eragile guziei zuzendua zaie, eta jarduerak formakuntzaren, numerikoaren, trantsizio ekologikoaren, tokiko ekoizpenaren, kulturaren eta kohesio sozialaren inguruan antolatzen ditu.

Non dago olha hirugarren lekua?

Olha Banka, Urepele eta Aldude biltzen dituen Aldudeko ibarrean dago, Ipar Euskal Herriaren bihotzean.

1  000  biztanleko baserrialdeko lurralde horrek natura ingurune paregabea, ondare material eta immaterial biziak eta tokiko dinamismoa ditu bereizgarri ezagun. 120  laborari, laborantzako elikagaien arloko enpresa dinamikoak eta ofiziale sarea dituenez, ibarrak baserrialde aktibo, solidario eta erresilientea agerian ematen du.  

Lankidetzarako eta adimen kolektiborako lekua

Kintoaren egoitza 
Kintoa Euskal Xerriaren saila proiektuko eragile nagusietakoa da; bulegoak Olha hirugarren lekuan kokatu ditu. Arraza enblematikoari buruzko interpretazio zentroa ere garatu du bertan. 1980ko hamarkadan desagertzeko arriskuan izan ondotik, lurraldeari atxiki laborari batzuen mobilizazioari esker salbatu zen saila. Egun, 80 kide inguru ari dira elkarrekin lanean – laborariak, transformatzaileak eta ofizialeak–, arraza babesteko eta kalitate paregabeko haragia agerian emateko, Kintoa JDB eta Kintoako Xingarra JDBaren bitartez.

Aiba elkartea 
Olharen kudeaketa eta animazioa AIBA elkartearen esku dira (Aldudeko Ibarra Beti Aintzina). Elkartea Bankako, Urepeleko eta Aldudeko biztanleek sortu zuten 1994an; biztanleak, enpresak eta herriak helburu beraren inguruan biltzen ditu: ibarra biziaraztea eta dinamizatzea.
AIBA elkarteak hainbat arlotako tokiko ekimenak laguntzen ditu – ekonomia, gizartea, kultura, euskara, ingurumena –, eta lankidetza, partekatze eta irekidura balioak sustatzen ditu.

Zein espazio eta zerbitzu proposatzen ditu olhak ?

Coworking gunea

20 lan leku malgu, telelangileentzat, autonomoentzat edo ibiltarientzat

8 m²-ko 2 bulego hetsi, deiak eta bideokonferentziak egiteko

8 eta 18 m² arteko bulego pribatuak, bertan plantatu nahi duten enpresentzat.

Bilkura gelak

53 m²-ko 2 gela (40 pertsona)

25 m²-ko gela 1 (9 pertsona)

Elkartzeko gunea

Sukaldea eta kafe tresna

Lasaitzeko gunea eta terraza

Ofiziale eta kultura ekimenen harrera

Zerbitzu erantsiak

Ileapaindegia

Kinesiterapia bulegoa

Bizikleta gunea eta elektrikoak kargatzeko gunea

Zein dira olha hirugarren lekuaren abantailak ?

Oso abiadura handiko Internet sarea, zuntzari esker

Ekipamendu partekatuak: inprimagailua, bideoproiektagailua, bideokonferentzia-gela

Egoiliarrentzat astean 7 egunez eta egunean 24 orenez zabalik

Nola iritsi olhara?

TXIK TXAK autobusez: 62 eta 64 lineak

Eskaera bidezko garraioa: erreserbak txiktxak.fr gunean

Auto partekatzea: 10 min Baigorritik, 20 min Donibane Garazitik

Bizikletaz: bizikleta gunea bertan

Informazio pratikoak

Helbidea: 75 Ihitzako bidea, 64430 Banka 
Telefonoa: 06 02 16 48 44 
contact@vallee-aldudes.com