Heldua naiz eta okzitaniera-gaskoia ikasten dut

Familia-transmisioaren hausteak okzitaniera-gaskoiaren ahultze handia eragin du. Haatik, dispositibo batzuek helduei hizkuntzaz berriz jabetzeko bidea eskaintzen die, urraspide profesional edo pertsonal batean.

Eguneratzea:2026(e) ko otsailaren 11a

Urraspide profesionala

Urraspide pertsonala

CFPOC zentroak urraspide pertsonalean hizkuntza ikasteko beste bide batzuk ere proposatzen ditu:

  • Setmanèrs delakoak asteroko oren bat eta erdiko klaseak dira, talde ttipitan emanak, mintzatzera bultzatzen duen metodo jostagarrian oinarrituak.
  • Ikastaldi trinkoek hizkuntza ikasten laguntzen dute murgiltzearen bidez. Bat eta bost egun arteko epekoak izan daitezke eta gaikako tailer batzuen inguruan antolatuak dira, bakoitzaren erritmoaren errespetuan eta giro goxoan;
  • 2018tik goiti, urruneko formakuntzak ere proposatuak dira A2 (hasiberriak) eta C1 (adituak) mailentzat;
  • Bordeleko Montaigne unibertsitateak bere aldetik gau eskolak eskaintzen ditu, ikasleak direnentzat edo ez direnentzat (langileak, enplegu galdegileak, erretratuak):
  • Aurrez aurreko gau eskolak okzitaniera-gaskoiz A1-A2 maila lortzeko (hasiberriak eta sendotze maila) eta kultura eta zibilizazioa aipatzeko bidea eskaintzen du (astean 3 oren, 24 astez);
  • Urruneko klaseak okzitaniera-gaskoiaren gaitasun agiria prestatzeko (CLUB Montaigne) - B1 maila (bitartekoak, 48 oren) edo B2 (aitzinatuak, 48 oren) aukeran, Europako Erreferentzia Markoa Bateratuak zehazturik, unibertsitateko e-campus plataformaren bitartez. 2024-2025 ikasturterako izen ematea 2024ko agorrilaren 19tik goiti, linean, hemen.


Gure lurraldean

Tokiko hiru elkartek proposatzen dituzte setmanèrs motako okzitaniera-gaskoizko klaseak, CFPOC zentroarekin:

  • Angelun: Ací Gasconha, Tivoli kulturgunean, asteartetan (2. maila) eta ostegunetan (1. maila), 18:30etik 20:00etara;
  • Baionan: Jakinola, hizkuntzen etxea, eskaeraren arabera finkatzekoa; neurrira eginiko formakuntzak adin guziei egokitzen dira (haurrak, nerabeak, ikasleak, helduak, erretratuak) baita maila guzietara ere. 10 pertsonez gehienez osaturiko taldeei esker, ikasketa baldintzak ezin hobeak dira;
  • Bidaxunen: Ací Gasconha, herriko etxean, asteartero (maila guziak), 19:00etatik 20:30era.