Administrazioko eta ikastetxeetako hondakinak

Zer dio araudiak? 

Hondakinen ekoizle edo edukitzaile oro behartuta dago hondakin horien kudeaketa ziurtatzera edo ziurtaraztera, araudiari jarraikiz. Hondakinak ezabatu edo azken balioa eman arte da horien erantzule, baita hondakinak tratatzeko hirugarren bati transferitzen zaizkionean ere (L541-2 artikulua – Ingurumen Kodea). 
 

Nola saihestu dezaket hondakinak sortzea ene establimenduan? 

• Elikagaiak behar gabe xahutzeari buruzko autodiagnostikoa egiteko ekintzak egiten ditut;
• Ene jardueraren segimendua eta analisia egiten dut, ekoizpenaren eta salmentaren artean, ene ekoizpena eta eskaerak egokitzeko;
• Ene produktuen kudeaketa, hornikuntza eta biltegiratzea optimizatzen ditut;
• Saltzeko eskaintzen diren zatiak bezeroen beharretara egokitzen ditut;
• Tamaina ttipiko (gehienez 50 L) zikin zakuak erabiltzen ditut, errazago maneiatzeko eta uzteko. Haien kantitatea ebaluatzen dut eta ikusten dut ea bilketa berezirik egin behar den;
• Zaharkitutako edo hondatutako ekipamenduak (etxetresna elektrikoak eta abar), material informatikoa eta altzariak konpondu, saldu edo ematen dizkiet gizarteratze-erakundeei, birziklategiei eta bestelakoei;
• Ene ekipamenduen mantentze-lanetako zerbitzuei erregularki dei egiten diet, matxura arriskuak saihesteko;
• Zaharkitutako edo hondatutako ekipamenduak (ganibetak, arrain mozteko taulak eta abar), material informatikoa eta altzariak konpondu, saldu edo ematen dizkiet gizarteratze-erakundeei, birziklategiei eta bestelakoei;
• Ene ekipamenduen mantentze-lanetako zerbitzuei erregularki dei egiten diet, matxura arriskuak saihesteko;
• Les Retournées kontsignari dei egiten diot ene berinazko botila eta ontziak itzultzeko (contactlesretourneesfr) eta Hazkurri Bankuarekin (05 59 55 28 11 - 80 bide fresko, 64100 Baiona) edo tokiko beste elkarte batekin harremanetan jartzen naiz kontsumigarri batzuk oraindik saldu gabe badira

Nola erreakzionatu ene hornitzaileen aldera? 

Hornitzaileei eskatzen diet laguntzeko ene hondakin-produkzioa murrizten, paletak eta kartoiak berreskuratzen eta berriz erabil daitezkeen materialak lehenesten (adibidez, berriz erabil daitezkeen banaketa-saskiak); 

Bilgarri poliestirenoen ordez ontzi berrerabilgarriak erabiltzeko aukera aztertzen dut ene hornitzaileekin. Pirinio Atlantikoetako Ofizio eta Ofizialeen Ganbarari dei egiten diot (05 59 55 82 63), proiektu honetan lagun nazan. 

Euskal hirigune elkargoak eskaintzen dituen zerbitzuak 

Euskal Hirigune Elkargoak zure “hondakin asimilatuen” bilketa egin dezake, hots, etxe-hondakinen izaera berekoak direnena eta, beraz, neurri berezirik hartu gabe bil daitezkeenena. Profesional batek etxe-hondakinen antzeko hondakinak ezabatzeko zerbitzu publikoaren faborea ukaiten duelarik, elkargoak bere hondakinen kudeaketa fakturatzeko gisa balio duen hondakinen zerbitzu-zerga berezi bat ordaintzera behartua izan daiteke. 

Oharra: Astean etxe-hondakinen antzeko 30.000 litro hondakin baino gehiago sortzen dituzten establimenduek ezin dute hondakin bilketa zerbitzuaren laguntzarik izan. Zerbitzu-hornitzaile bati dei egin behar diote. 

Euskal Hirigune Elkargoak bilketa egiten dien mediku-establimenduek, besteak beste, honako hauek baino ez dituzte aurkeztu behar haien eskuko dituzten bereizketa-edukiontzietan: paperak (% 100 plastikozkoak eta zikindu gabeak diren arta-mahaiko paperak);
- kartoi finak; 
- metalezko eta plastikozko estalkiak; 
- Botilak eta berinazko ontziak edukiontzi espezifikoetan utzi behar dira. 

Estalkietarako kartoi lodiak urririk onartzen dira Ipar Euskal Herriko 25 hondakindegietan. 

Beste ohar bat zure kasuan: 

- Bereiztearen obligazioa;
- Aire zabalean erretzeko debekua; 
- Legez kanpoko botatzeen debekua; 
- Hondakin arriskutsuak hondakin ez-arriskutsuekin edo geldoekin nahasteko debekua; 
- Erabilitako elikagai-olioak isurbideetara botatzeko debekua. Zerbitzu-hornitzaile berezitu batek ezabatu behar ditu; 
- Trazabilitate-dokumentuak atxikitzea (kontratuak, fakturak, hondakinen segimendua egiteko orriak eta abar); 
 

Bilketa Araudiak zehazten ditu bilketarako zerbitzu publikoari hondakinak aurkezteko baldintzak. 
 

Ene hondakinak kudeatzen ahal dituzten zerbitzu-hornitzaileak 

Zure hondakinak bildu eta tratatzeaz arduratuko den zerbitzu-hornitzaile pribatu bati dei egiteko aurkitegi bat ezarri du zure esku Euskal Hirigune Elkargoak. Aurkitegi honek bidea ematen dizu sortzen duzun hondakin-mota bereziki hautatzeko eta zure enpresatik hurbil hondakin hura kudeatzeko ahalmena duen profesional bat aurkitzeko.