Bereizketa aholkulariak

Zein da Hondakinen Murrizketa eta Bereizketarako Animatzaileen (A.R.T.D.) eginkizuna? 

A.R.T.D.-en rola da zuen galderei erantzutea eta zuen hondakinen kudeaketari buruz informazioa ematea: 

• Nola sortu hondakin gutiago;
• Nola sailkatu hondakinak;
• Nola konpostatu biohondakinak. 

Zein zerbitzu eskaintzen dituzte Hondakinen Murrizketa eta Bereizketarako Animatzaileek? 

A.R.T.D.-ek aholkuak ematen dizkizue. Zuen eskura jartzen dituzte informazio-dokumentu desberdinak (gidak, bereizketa-oroigarriak, fitxak, etab.) eta tresna batzuk bereizketa edo hondakinen murrizketa errazteko (aurre-bilketarako poltsak, Stop Pub pegatinak, etab.). 

Haien eginkizun nagusiak hauek dira: 

• Etxez etxeko komunikazioa etxeen artean, sailkapen arauak azaltzeko, egin beharreko jestuak erakusteko, bereizketa okerren ondorioak azaltzeko eta hondakinak hobeki bereizketa aholkuak emateko;
• Lurreko jarraipenak bilketa-taldeekin batera, bereizketa kalitatea apala den auzoak identifikatzeko, bildu diren ontzien kopuru apalak eta bereizketa eskasa edo desegokia antzemateko;
• Informazio eta sentsibilizazio ekintzak publiko erreleboekin (hautetsiak, Elkargoko eta herrietako zerbitzu teknikoak, CCAS-eko langileak, etxebizitzen kudeatzaile eta zaintzaileak, turismo arloko profesionalak, elkarteak, etab.);
• Esku-hartzeak eskoletan, bereziki 3. zikloko ikasleak hondakinen kudeaketa egokira sentsibilizatzeko;
• Publiko zabalari zuzenduriko animazioak ekitaldi eta manifestazioetan (merkatuak, azokak, bestak, etab.). 

Nola harremanetan sartu Hondakinen Murrizketa eta Bereizketarako Animatzaile batekin? 

Zuen eremuko animatzailearekin harremanetan sar zaitezkete.