Hurbileko zerbitzu publikoak hedatzea

Altxatu beharreko erronkak

• Eguneroko administrazio urraspideak erraztea eta arrakala digitala murriztea France Services bidez lurraldea saretuz;
• Artamendu eskaintza orekatua eskuratzeko aukera ematea lurralde osoan zehar, Osasun Etxeak sortuz eta baserrialdeetan profesionalak koka daitezen sostengatuz;
• Kirola egitea faboratzea eta Iparraldeko haur orori igerian irakastea;
• Kultura hornikuntzak eta jarduerak ororen esku berdintasunean eskaintzea;
• Herritarrei zahartzen laguntzea eta bakartzearen aurka borrokatzea jendeen etxean atxikitzeko zerbitzua garatuz;
• Prekarietatearen aurka borrokatzea larrialdiko ostatalekuak garatuz eta lurraldeko elkarte eragileak sostengatuz;
• Hurbileko mugikortasun eskaintza garatzea zerbitzu eta leku publikoak eskuragarri izan daitezen laguntzeko.

Jadanik abian emaniko ekintzak

• Euskal Elkargoak zerbitzu publiko anitz kudeatzen du zuzenean: 11 elkargo haurtzaindegi, 5 aisialdi zentro, 2 haur-gurasoak hartzeko leku, 3 mediateka, 8 igerileku, Donapaleuko Saint-Louis zine gunea, Makeako apaindurak egiteko lantegia edota Luhusoko Harri Xuri ikuskizun aretoa;
• Euskal Elkargoak lau Osasun Etxe eraiki ditu Barkoxen, Atharratzen, Maulen eta Aiziritzen;
• Bere Osasunerako Tokiko Kontratuaren bitartez, osasun prebentzioko jarduerak sostengatzen ditu ere;
• Euskal Elkargoak bost France Services Etxe eraiki ditu eta kudeatzen ditu Atharratzen, Maulen, Donapaleun, Bardozen eta Donibane Garazin, jadanik baden nazio sareaz gain;
• Euskal Elkargoa hiru kiroldegi eraikitzen ari da Atharratzen, Baigorrin eta Donapaleun;
• Euskal Elkargoak Ezpeletako Mamurrak haurtzaindegia berreraiki du. Ingurumenaren aldetik eredugarria den eraikina da, lastoz egina;
• Euskal Elkargoak Igerileku Planabozkatu du, euskal haurrei igerian jakiteko aukera emateko;
• Euskal Elkargoak kultura proiektua bozkatu du eta lurralde osoan zehar Iparraldeko Orkestraren, Malandain Balletaren, Street Arte festibalaren, Points de Vue eta abarren      kultura proposamenak heda daitezen antolatzen du.
• Herriarteko Gizarte Ekintzako Zentroaren (HGEZ)200 langile aritzen dira euskal barnealdeko adinekoen eta mendeko pertsonen etxeetan;
• Euskal Elkargoak, Departamendu Kontseiluarekin batera, sukalde zentral bat eraiki du Bidaxunen non ikastetxeetarako, haurtzaindegietarako, aisialdi zentroetarako eta inguruko HGEZaren onuradunentzako apairuak egiten baitira;
• Euskal Elkargoak Baionako eta Euskal Herriko Elikagaien Bankuaren eraikina eraiki du. Elkarte horrek egunean 2 500 000 apairu banatzen dizkie 12 800 pertsonari;
• Euskal Elkargoak prekarietate handienean direnei laguntza emateko hornikuntzak eskaintzen ditu, hala nola Biarritzeko gizarte hotela, larrialdietarako ostatalekuak: Manuit Angelun eta Ene Tokia Baionan, edota Baionako migratzaileentzako PAUSA harrera eta igarotze zentroa. Behar gorrienean direnen alde aritzen diren elkarte anitz laguntzen du ere zuzenean.
• Bakarturik direnen lekualdaketen errazteko, Euskal Elkargoak, 2025az geroztik, Eskari Bidezko Garraio zerbitzua eskaintzen du ere garraio publikoak ez dauden aldeetan, lurralde osoan zehar.

Oraindik egin beharrekoak

• Arte irakaskuntzako guneak sortzea Iparraldeko Maurice Ravel kontserbatorioarekin elkarlanean;
• Euskal Museoa hedatzeko laguntza;
• Igerileku berrien eraikitze eta berritzea, igerileku Planaren harira;
• Gizarte gune bat eraikitzea Baionan, prekaritatearen aurkako hainbat zerbitzu biltzeko;
• Elkargoaren haurtzaindegiak handitu eta modernizatzea.