Euskal Elkargoko turismo-bulegoak
Ipar Euskal Herrian turismo-politika nola antolatua den ulertu nahi duzu eta lehentasunezko kontaktuak ezagutu? Argibide guziak aurkituko dituzu orrialde honetan.
Eguneratzea:2026(e) ko otsailaren 16a
Euskal Elkargoa, turismo-bulegoak: nork zer egiten du?
Turismoa Euskal Hirigune Elkargoaren eskumenean da, baita estatuaren, eskualdearen eta departamenduaren eskumenean ere (turismoaren kodeko L.111-1 artikulua).
Euskal Elkargoak turismo-antolaketaren ardura du 158 herritan eta turismoaren sustapenarena 153 herritan.
Euskal Elkargoa “turismoaren sustapenari” dagokion eskumena betetzen du Euskal Elkargoko turismo-bulegoaren (152 herri) eta hiri-eremuko Baionako elkargoaren turismo-bulegoaren bitartez, harrera, informazioa, sustapena eta partaideen koordinaketarako betekizunak utzi dituelarik haien esku.
Turismoko “oporleku sailkatuk” diren 5 herrik sustapena eskumena atxiki dute eta herriko turismo-bulegoak dituzte: Angelu, Biarritz, Bidarte, Kanbo eta Hendaia.
Turismo-harrera bulegoak
Elkargoko turismo-bulegoak
- Euskal Elkargoko turismo-bulegoa
Elkargoen turismo-bulegoak - Euskal Elkargoko turismo-bulegoa
- Donibane Lohizuneko turismo-harrera bulegoa
- Urruñako turismo-harrera bulegoa
- Ziburuko turismo-harrera bulegoa
- Getariako turismo-harrera bulegoa
- Arrangoitzeko turismo-harrera bulegoa
- Ezpeletako turismo-harrera bulegoa
- Sarako turismo-harrera bulegoa
- Azkaineko turismo-harrera bulegoa
- Senpereko turismo-harrera bulegoa
- Ainhoako turismo-harrera bulegoa
- Hazparneko turismo-harrera bulegoa
- Bidaxuneko turismo-harrera bulegoa
- Bastidako turismo-harrera bulegoa
- Ahurtiko turismo-harrera bulegoa
- Baigorriko turismo-harrera bulegoa
- Donibane Garaziko turismo--harrera bulegoa
- Donapaleuko turismo-harrera bulegoa
- Atharratze-Sorholüzeko turismo-harrera bulegoa
- Maule-Lextarreko turismo-harrera bulegoa
- Hiri-eremuko Baionako elkargoaren turismo-bulegoa
Herrietako turismo-bulegoak
- Angeluko Turismoa
- Biarritzeko Turismoa
- Bidarteko turismo-bulegoa
- Kanboko turismo-bulegoa
- Hendaia Turismo eta Merkataritza
Ohiko galderak
Euskal Hirigune Elkargoaren eta turismo-bulegoen (batez ere Euskal Elkargoko turismo-bulegoaren) eginkizunen artean, zer da desberdintasuna?
Euskal Hirigune Elkargoaren eskumeneko dira garapen ekonomikoa (adib.: proiektu-ekarleei ekarririko laguntza), antolaketa (adib.: Ibilketarako Tokiko Planaren antolaketa), lurraldeko estrategia (adib.: Ipar Euskal Herriko Turismo estrategia baten apailatzea).
Sustapenaren eskumena betetzen du Euskal Elkargoko turismo-bulegoaren bitartez, harrera, informazioa, sustapena eta partaideen koordinaketarako betekizunak utzi dituelarik haren esku, eta hiri-eremuko Baionako elkargoaren turismo-bulegoaren bitartez. Herriko bost turismo-bulegok sustapena eskumena betetzen dute turismoko oporleku sailkapena duten herrien izenean.
Zergatik turismo-bulego bat baino gehiago daude Ipar Euskal Herrian?
“Turismo-oporleku” sailkatuak diren herriek sustapena eskumena atxikitzeko aukera izan dute. Errepublikaren lurraldeko antolaketa berriari dagokion 2015eko agorrilaren 7ko legearen arabera, herri-eskumeneko herriarteko turismo-bulego bat sortua izan da Baionako eremuan; 2016ko Montagne II legea betearazteko gisan, Angelu, Biarritz, Bidarte, Kanbo eta Hendaiako Herriko Etxeek herriko turismo-bulegoak atxikitzea erabaki dute.
Nola koordenatuak dira eragile desberdinen ekintzak?
Euskal Hirigune Elkargoak 158 herrien mailako estrategia bat apailatzen du, departamenduko (CD64-ADT4) eta eskualdeko (CRNA-CRTNA) estrategiekin lankidetzan eta koherentzian. Sustapenari dagokionez, koordinaketa segurtatua da Ipar Euskal Herriko Politika Batzordearen bitartez (ADT64-Euskal Elkargoa-7 turismo-bulego).