Profesionala: arte eta kultura heziketa proiektuak garatzen ditut

2024ko urriaren 1eko topaketaren karietara, Angelu, Baiona, Biarritz, Bidarte, Bokale, Donibane Lohizune, Hendaia, Maule-Lextarre, Urruña eta Ziburuko herriko etxeek; Estatuak, alde batetik Akitania Berriko DRAC erakundearen bidez, eta bestetik Bordeleko akademiako errektoretzaren / Pirinio Atlantikoetako Hezkuntza Ministerioko Departamendu Zerbitzuen zuzendaritzaren bidez, izenpetu dute “AKH Ipar Euskal Herrian – Lurralde baten mailako lankidetzak” Gutuna.

Horrela, partaide guziek, kultura, arte, gizarte, medikuntza, hezkuntza bizitzako eragileekin batean, balore testu bat partekatzen dute AKHren inguruko erreferentzia komun gisa balio duena. Bestalde, haien helburua kalitatezko AKH eskaintzea da Ipar Euskal Herriko biztanleei, bizitza osoan zehar.

“AKHk pertsonaren loratzean parte hartzen du, bere emantzipazioan eta sormenean. Besteei eta haien hizkuntzei irekitzeko bidea ematen du, norbere hautuen baieztatzeko bidea, zentzu kritikoaren garatzeko bidea, jakin-mina pizten du eta elikatzen adin guzietan. Familian, eskolan, lanean edo lagunen artean, bizitza-ibilbidea osatzen duten memento guzietan parte hartzen du. »

AKH Ipar Euskal Herrian – Lurralde baten mailako lankidetzak Gutunaren zatia.

Lurralde mailan, norentzat ote da AKH?

Proiektua partaide batek edo besteak abian ezartzen du:

Gutunaren izenpetzaile eta AKHren partaide publiko guziek zure laguntza beharrei ihardetsiko diete. 

Behereko inprimakiaren bidez, herriak eta Euskal Elkargoa zure zerbitzuko dira proiektu-partaideekin elkartzeko. Zure proiektuen diseinuan, obratzean eta ebaluazioan baliagarria izanen zaizkizun argibideen zaintza bermatzen dute.

2024an, Gutunaren partaideek arreta finkatu zuten haur gazteen (0-3 urte) Kultura eta Arte Piztean (KAP), laguntzen dituzten helduen harremanean.

2024ko martxotik 2025eko martxora, ikerketa-ekintza bat eraman zen lurraldean KAP ekintzen egoera finkatzeko, Jessica Cendoya Lafleur eta Jessica de Bideran ikertzaileen (Bordele-Montaigne Unibertsitateko UBIC laborategia) laguntzarekin.

Desmartxaren eta ikerketa-ekintzako eragileen 2025eko martxoaren 25eko solasaldien txostenahemen entzungai.

2024ko urriaren 1ean, Sophie Marinopoulos psikologo eta psikoanalistak, familiaren espezialistak eta “Osasun kulturalerako estrategia nazionala - Sortzetik 3 urte arteko haurren kultura eta arte piztea sustatzea eta iraunkortzea burasoekin duten loturan (ECA-LEP)” txostenaren idazleak Ipar Euskal Herriko profesionalentzat eta hautetsientzat esku hartu zuen. Hemen aurkituko duzu bere solasaldia, bereziki biziki haur gazteen kultura osasunaren kontzeptuari buruzkoa.

2025ean, Gutunaren izenpetzaileek Kultura eta Arte Piztearen garapena sustengatzen dute Ipar Euskal Herrian, helburu estrategiko hauen inguruan:

• KAP eta haren ekosistema ikusgarri egitea,
• KAP estrategiaren eramaileak eta hartzaileak laguntzea formakuntza eskaintza bat garatuz hautetsiendako eta herrietako eta elkargoetako teknikariendako, eta kulturako, lehen haurtzaroko, gizarte eta osasun alorreko profesionalendako,
• Sortzetik beretik arte ikerketa eta denendako obren zirkulazioa sostengatzea,
• Obren eta haur gazteen eta haien familien arteko bitartekaritza tresnen ikerketa eta diseinua sustatzea,
• Desmartxaren segimendu eta garapen instantziak sendotzea.

2026an, #1 berripaperak (orri-oineko izen ematea), haur ttipien Kulturarendako eta Artearendako gogo-piztearen inguruan, Euskal Elkargoaren lurraldean hedatzen diren ekintzak aipatzen ditu. 
Horien artean, « Bakoitzarengandik Hurbilago » programak hainbat proiektu biltzen ditu haur ttipien harrera-lekuei zuzenduak, non egunerokotasuneko esperientziek artearekilako eta kulturarekilako gogo-pizte sentikorra eskaintzen zaien.
Bestalde, Kulturarendako Eta Artearendako Gogo-Piztearen Gida Praktikoak, lehen haurtzaroko, osasuneko eta gizarte alorreko profesionalak laguntzen ditu proiektuak sortzen eta obratzen.

KAP proiektu ideia bat badut, Euskal Elkargoko herriekin harremanetan sartzen naiz.

Hemen duzu “PERTSONA BAKOITZETIK AHAL BEZAIN HURBIL” programa.

Hemen duzu Ipar Euskal Herriko Kultura eta Arte Piztearen gidaliburu praktikoa.

“AKH Ipar Euskal Herrian – Lurralde baten mailako lankidetzak” Gutunaren berripapera errezibitzeko izena ematen dute

Hemen.