Ene elikagai enpresa garatu nahi dut

Ene etxaldea transmititu nahi dut, asoziatu bat xerkatzen dut, etxaldea norbaiti uzteko proiektua dut edo erretretara joateko edo lanbidez aldatzeko proiektua. Instalaziorako eta transmisiorako harrera gunea (PAIT) ene departamenduko Laborantzaren Etxean kokatua da, eta ene errezibitzeko prest da behar ditudan argibide guzien emateko. Ene lehen solaskidea da eta zenbait urratsez osatu tresnari buruz gidatuko nau.   

Instalaziorako eta Transmisiorako Harrera Guneak kitorik errezibituko nau hitzordu indibidual baten karietara, eta ene ideiak argitzeko trukaketa memento bat eskainiko dit. Maila nazionalean eskualdekoan edo tokikoan dauden laguntzei eta dirulaguntzei buruz argibideak emanen dizkit: 

• Argibideak transmisioaren urratsei buruz: legezko eta zerga-abisuak, gelditze “administratiboa”, erretreta-galdea, etab. ;
• Partitze eta Instalatze Aurkibidearen aurkezpena, etxaldea uzten dutenak eta etxaldea hartu nahi dutenak harremanetan jartzeko tresna.
• Laguntza zerbitzuei buruzko argibideak, adibidez, ikuskatze baten egitea ene egituraren deskripzio osoa finkatzeko Aurkibidean sartu aitzin.
• Babesle batekin egin ikastaldiaren edo Lan Inguruneko Egoeran Ezartzeko Epearen aurkezpena, ene familiakoa ez den aprendiz baten errezibitzeko, ene egituraren segida hartuko duena. Aprendiz horrek Estatuak eman ordainsaria ukanen du.
• Ene segida hartuko duena errezibitzeko transmisioari dagozkion tresnen agerian uztea: soldatapeko lanpostua, aprendizgoa... 

Instalaziorako eta transmisiorako harrera guneak harrera bermatzen du berdintasun, inpartzialtasun, konfidentzialtasun eta errespetu baldintzetan. 

Harremana: 0800 505 507 (Zenbaki berdea) - Instalaziorako eta transmisiorako harrera gunearen e-posta

64 departamenduko Laborantza Ganbera 

Instalaziorako eta transmisiorako harrera gunea kudeatzeaz gain, eta haren bidez formakuntzak proposatzeaz gain, Pirinio Atlantikoetako Laborantza Ganberak urte osoan zehar formakuntzak proposatzen ditu bere animatzaileen bidez. Formakuntza horiek 64 departamenduko Laborantza Ganberaren webgunean ikus daitezke, “gure formakuntza guziak” atalean. 

Harremana: 

Pau (egoitza): 05 59 80 70 00 

Donapaleu: 05 59 65 86 09 

Instalaziorako eta transmisiorako harrera gunearen webgunea, “instalazioa-transmisioa” atala 

Euskal Herriko Laborantza Ganbara 

EHLGk etxaldea beste bati uztekoa dutenak laguntzen ditu etxaldearen transmisio-proiektuan:  

• formakuntza kolektiboen karietara edo indibidualki;
• bai familia transmisio baterako, bai familiaz kanpoko transmisiorako, segida hartuko duena identifikatua izan ala ez. 

Kasu guzietan, transmisioa hilabete edo urte batzuk lehenago prestatu behar da, erretreta nahi den mementoan hartzeko. 

Harremana: 

EHLG  05 59 37 18 82 

EHLGren webgunea 

Laborantza Ganberak antolatu Transmisioaren Hamabostaldia 

Urtero, Laborantza Ganberak antolatzen du Transmisioaren Hamabostaldia. 100 ekitaldi baino gehiago antolatuak dira Frantzian zehar azaroaren bigarren hamabostaldian. 

• Farm’dating, speed-meeting edo install’dating ekitaldiek parada ematen diete etxaldea norbaiten esku utziko dutenei etxaldea har dezaketen pertsonak giro lasaian ezagutzeko;
• Mahai-inguruak eta foroak, etxalde-buruak baita ere lurraldeko elkargoak sentsibilizatzeko etxaldeen transmisioaren/hartzearen garrantziaz;
• Informazio-bilkurak, proiektu-eramaileek edo laborariek informazioak biltzeko instalazioaren/transmisioaren prestaketaz, adituekin trukatuz (Ganberetako aholkulariak, legelariak, notarioak, etab.);
• Formakuntza egokituak proiektuaren apailatzeko urratsaren arabera eta proiektu-eramaileek instalatzeko/transmititzeko dituzten beharren arabera. 

Harremana: 

• Pau (egoitza) 05 59 80 70 00
• Donapaleu 05 59 65 86 09
• 64 Departamenduko Laborantza Ganberako webgunea 

Transmisiorako kafeak 

• Zer ote da? Instalazio-transmisio kafe bat elkartzeko, jendea ezagutzeko eta esperientziak partekatzeko memento bat da.
• Zertaz hitz egiten da? Transmisio kafe batean etxaldeen transmisioari buruzko gaiak aipatzen dira. Egutegia, etxaldea hartuko duenaren bilaketa, erretreta-proiektuari eta etxaldearen etorkizunari buruzko hautuak. Baina ere beldurrak eta zailtasunak, eta ofizioaren arrakastak eta pozak. Nor bere etxaldeaz hitz egitera ere etortzen da hor egon daitezkeen proiektu-eramaileekin.
• Norentzat da? Proiektu-eramaileentzat, instalatuak diren laborarientzat edo etxaldea utziko dutenentzat. Transmisioari buruzko gogoeta hasteko, segitzeko edo bururatzeko parada da. 

Harremana: 

• EHLG: Tel: 05 59 37 18 82 – EHLGren webgunea -
• ELB: ELBren e-posta  

“Transmisioa”, lurraldeko animazio-desmartxa 

Formakuntzen eta laguntzen osatzeko, laborantza ganberak ekintzak egiten ditu etxaldea utziko dutenak identifikatzeko eta sentsibilizatzeko, lurralde zehatzetan tokiko ekintzak eramanez. Horrela, Garazi-Baigorrin, Xiberoan, Hazparnealdean, Bidaxunealdean edo Iholdi-Oztibarren ekintza hori egin da. 

Harremana: 

• Pau (egoitza) 05 59 80 70 00
• Donapaleu 05 59 65 86 09
• 64 departamenduko Laborantza Ganberaren webgunea

Euskal Hirigune Elkargoaren esperimentazio bat Xiberoan 

Euskal Elkargoak 2023an esperimentazio bat abiatu zuen Xiberoan 55 urtez goitiko laborariak identifikatzeko eta transmisioari buruz informatzeko. Hurbiltze bat ere pentsatua da laborantzan instalatzekoak daitezkeen proiektu-eramaileen inguruan lan egiteko. 

Harremana: 

Euskal Hirigune Elkargoa (egoitza): 05 59 44 72 72 

E-posta: agriculture@communaute-paysbasque.fr 

Transmisioa egin aitzineko diagnostikoaren helburua uztekoa den etxaldearen potentziala estimatzea da etxaldea hartuko duen norbait edo asoziatu bat atzemateko. Etxaldearen alderdi guziak barne hartu behar ditu: alde ekonomikoak, teknikoak, juridikoak, fiskalak, soziala, familiakoak, ingurumenekoak... Uztekoa den etxaldearen inbentario ahal bezain osoa egitea da helburu, abantailak eta trabak baita ere etxaldea hartzeko moldeak aitzinera ematea. 

SAFER erakundearekin harremanetan jartzeko:  

• Tel: 05 59 65 88 10
• Akitania Berriko SAFER egituraren webgunea 

• MSArekin harremanetan jartzen naiz erretretarako ditudan eskubideak ikertzeko, ene lan-ibilbidea berriz biltzeko eta ene egoeraren baldintzak ebaluatzeko.
• Laborantza Jarduera Uzteko Xedearen Adierazpena (DICAA) betetzen dut eta igortzen. MSAk DICAA igortzeko betebeharra ezarri du transmisio hori aitzinetik prestatzeko.
• Laborantza Ganberari jakinarazten diot jarduera uzteko xedea dudala gutienez 3 urte erretretara joan aitzin, ezinbesteko kasuan salbu.
• Oharra: DICCA dokumentuak ez zaitu engaiatzen jarduera uzteko baldintzei buruz, ez eta jarduera geldituko duzun egunari buruz ere, aurreikusi data bat baizik ez da. Adierazpen horri esker Departamenduko Laborantza Ganberak berriz hartzekoak diren etxaldeak eta haien ezaugarri nagusiak identifikatzen ditu. 

MSArekin harremanetan jartzeko:  

Tel: 05 58 06 55 00 

MSAren webgunea – instalazioa-transmisioa atala 

Instalatuko den laborari batek ez du beti posible aprendizgoa berea izanen den etxaldean egitea. Alta, ondorio larririk gabe, edo ondorio konponezinik gabe akatsak egiteko parada ematen duten baldintzetan entseatzeko eskubidea bereziki baliosa da. Batzuei beren proiektua fintzeko edo errotik aldatzeko parada eskaini diezaieke, eta beste batzuei, laborari ofizioa ez zaiela komeni ohartzeko ere. 

CFAArekin harremanetan jartzeko: 

• Tel:  05 59 29 15 10
• Agrocampus 64ren webgunea – Hazparneko formakuntza-gunea 

Molde praktikoak eta dirulaguntzak ikus itzazu MSAren webgunean. 

Ordezkapen zerbitzuari esker proiektu-eramaile batek bere burua ezagutaraz dezake. Etxaldea uzten dutenentzat errazagoa izanen da transmisioa pentsatzea ofizioan bere gaitasunak erakutsi eta lurraldean integratu den bati. 

Harremana: 

• Basco-Béarnais ordezkapen zerbitzua:  : 05 59 80 98 85
• Ipar Euskal Herriko Lagunak elkartearen ordezkapen zerbitzua:
• Xiberoko kantonamendua: 06 24 03 03 45
• Amikuzeko kantonamendua: 06 89 72 22 59
• Iholdiko kantonamendua: 06 84 39 73 44
• Hazparneko kantonamendua: 06 78 37 72 05
• Kostaldeko eta Lapurdiko kantonamendua: 06 80 28 90 97
• Garazi Baigorri kantonamendua: 06 07 50 05 48 

Laborantzako langileak, baita artzain sasoilariak ere xedetzat hartzen dira etxaldearen hartzaile bat atzemateko. Lanpostu horiek, oro har, laborantza munduak erakarri jendeek betetzen dituzte, eta laborarien egunerokotasunean denbora guti edo aski luzeetan murgildurik egoten diren jendeak. Bildu esperientzia horri esker, batzuek beren instalazio-proiektuak ondu eta sendotu ditzakete, etxaldea utziko dutenen aitzinean sinesgarritasuna emateaz gain. 

Harremana: 

• Groupement d’employeur “Agri emploi 64” 
• TESA sinplifikatua (Laborantzarako Enplegu Agiri Sinplifikatua), MSAren webgunetik zuzenki kudeatua 

Departamendu guzietan, aholkulari esperientziadun sare batek Partitze eta Instalatze Aurkibidea animatzen du. Laborantza Ganberak kudeatu zerbitzu publikoko ordezkaritza horrek etxaldeen transmisioa laguntzen du. Laborantza Ganberetako sareko aholkulariek beren zerbitzuak proposatzen dituzte bai etxaldeak indibidualki hartzen direnean, bai kideak xerkatzen direnean kideen arteko etxaldeen karietara. 

Zure etxaldea norbaiti utzi nahi diozu. Hitzordua har ezazu zure departamenduko PIAko aholkulariarekin zure transmisio-proiektuaz puntua egiteko. Izena eman ondoan: 

• laguntzen ahalko zaitu etxaldea uzteko eskaintzaren idazten,
• zure bilaketaren araberako hautagaiekin harremanetan ezarriko zaitu,
• zure eskaintza argitaratzen ahalko du instalazio-aurkibidearen webgunean
• Halaber, zure etxaldea estimatzen ahalko dizute, baldintza hoberenetan berriz hartzeko behar diren elementu guziak agerian uzteko.

Harremana: 

• Pau (egoitza): 05 59 80 70 00
• Donapaleu: 05 59 65 86 09
• 64 departamenduko Laborantza Ganberaren webgunea, instalazioa, transmisioa atala 

Transmisioa aitzinetik prestatzen dut berriz har dezaketen pertsonak formatuz 

Etxalde baten transmisioak ez du erran nahi jarduera bortxaz gelditu behar denik proiektu-eramaile batek berriz hartu aitzin. Ikastaldi edo lanpostu baten bidez ere prestatu daiteke, baita etxaldea hartzeko asmoa duenarekin lankidetza bat eginez ere. Tresnak badaude etxaldea hartuko duenaren edo lankidearen instalazioa eta integrazioa errazteko. 

AITA programaren bidez ikastaldiak egin daitezke babesle baten etxaldean, xede hauekin: 

• Familiatik kanpo instalatzen diren hautagai gazteen instalazioa erraztea etxalde batean erantzukizunak hartzeko, etxalde horren berriz hartzeko asmoarekin edo dagoen edo sortzeko den enpresa bateko kide izateko;
• gaztearen eta babeslearen arteko lotura egiteko baldintzak sortzea, ekoizpen-tresnaren transmititzeko plan bat sustatzeko edo egin daitekeen elkarte baten aztertzeko. 

Babesle batekin egin ikastaldi horrek gazteari eskualdea ezagutzeko parada ere eskaini behar dio, bertan integratzeko, ezagutzak sakontzeko, proiektua finkatzeko eta instalazioa antolatzeko parada emateko. 

Jatorriz tresna hori etxaldea uzten zuenarekin familian ez ziren gazteentzat zen, baina 2023ko urtarrilaren 1az geroztik etxalde batean instalatu nahi duten gazte guzientzat da. 

Harremana: 

• 64 departamenduko Laborantza Ganbera
• Pau (egoitza) 05 59 80 70 00
• Donapaleu 05 59 65 86 09
• 64ko Laborantza Ganberaren webgunea – babesleen atala  

Trebatzeko tresnak badira laborantza-jarduera garatzeko molde arduratsuan eta autonomoan, baldintza errealetan, epe mugatuan, arrisku hartzea mugatzen eta mailakatzen duen eremuan. Helburua norberaren proiektua eta norbera ebaluatzea da, proiektua segitzea, egokitzea edo bazterrera uztea erabakitzeko. Tresnek laguntza-maila desberdinak dituzte: Laborantzako inkubagailuak – mintegiak. Tresna horiek gazte baten instalazioa lagundu dezakete etxaldearen parte batean, beharbada berantago etxalde guzia transmititu aitzin edo beste norbaiti utzi aitzin. 

TREBATU erakundearekin harremanetan jartzeko:  

• Tel: 06 49 43 49 42
• TREBATUren webgunea