Energia ikuskatze baten egiteko laguntza
Energia-ikuskatze bat egiteko jabekidetasunezko eraikinei proposatutako finantza-laguntza. Laguntza Ipar Euskal Herriko 158 herrietan baliagarria da. Estatuaren laguntzekin metatu daitekeen dispositiboa (jabekidetasunezko eraikinei zuzendutako “Ma Prime Rénov” dispositiboa).
Eguneratzea:2025(e) ko urriaren 13a
Hautagaiei zabalik Urte osoan har daiteke
Diruzko laguntza
Internet bidez egin liteke
Laguntza horrekin, Euskal Hirigune Elkargoak energia-ikuskatzeak finantzatzen parte hartzeko borondatea berresten du, jabekidetasunezko eraikinei energia-berrikuntza eraginkorrerako lanak egiten laguntzeko.
Nori zuzendua da dispositiboa ?
Laguntza hau honako jabekidetasunezko eraikinei zuzendua da:
- bizitegi nagusiz osatutakoak (gutienez % 65, 20 lote edo gutiagoko jabekidetasunezko eraiken kasuan) edo gutienez % 75, 20 lote edo gehiagoko jabekidetasunezko eraiken kasuan;
- gutienez duela 15 urte eraikitako jabekidetasunezko eraikinak;
- jabekidetasunezko eraikinen Frantziako erregistroan erregistratutako eta eguneratutako jabekidetasunezko eraikinak.
Zeintzuk dira lagundutako obrak ?
Euskal Hirigune Elkargoak “RGE - Etudes ou Architectes référencés” (ingurumenaren bermatzaile aitortua - Erreferentziako ikerketak edo arkitektoak) profesional batek edo 2023ko abenduaren 29ko dekretuaren arabera ziurtatutako enpresa batek egindako energia-ikuskatze baten finantzaketan parte hartzen du (Dekretu horrek 2022ko maiatzaren 4ko dekretua aldatzen du, Frantzia metropolitanoarentzat energia-auditoretzaren edukia definitzen duena).
Zertan datza laguntza ?
Euskal Hirigune Elkargoaren laguntza guztizko zenbatekoaren % 50ekoa da, zergak barne. Dirulaguntza honako modalitate hauen arabera mugatua da :
| Jabekidetasunezko eraikineko lote kopurua | Dirulaguntza muga |
|---|---|
19 lote arte | 3 000 € |
20 lotetik 49ra | 3 000 € |
50 lotetik 99ra | 4 000 € |
100 lotetok goiti | 4 000 € |
Laguntza hori beste laguntza batzuekin metatu daiteke, ikuskatzea ondare-diagnostiko batekin konbinatuz gero. Murrizketa-arau espezifikoak aplikatuko dira laguntza publikoen zenbatekoa mugatzeko. Zenbateko horrek ezin izango du gainditu egindako kostu guztien % 80 (zergak barne).
Nola eska dezaket laguntza ?
Eskaerak urte osoan egin daitezke Internet bidez, jabekidetasunezko eraikin batean energia-ikuskatze bat egiteko laguntza-eskaera betez.
Euskal Hirigune Elkargoak, dosierra ulertzeko beharrezkoak diren dokumentu osagarri guztiak eskatzeko eskubidea du.
Ba al zenekien ?
Laguntza eskatzeko desmartxak hasi aitzin, hitzordua har dezakezu Bizilekuaren eta Energiaren Etxeko “France Rénov”-eko aholkulari batekin. Aholkulariak doan lagunduko zaitu zure beharren arabera.
Laguntza esleitzeko eta ordaintzeko baldintzak
Eskabideen azterketa
Eskabideak jasotzean, Euskal Hirigune Elkargoko zerbitzuek aztertzen dituzte dosierrak.
- Zure dosierra osatua bada: onarpena gutun bidez jakinaraziko zaizu;
- Zure dosierra osatu gabe bada: Euskal Hirigune Elkargoko zerbitzuek posta elektronikoz adieraziko dizkizute falta diren edo zuzenak ez diren dokumentuak;
- Zure dosierra onartzen ez bada: Euskal Hirigune Elkargoko zerbitzuek postaz adieraziko dizute zergatik ez duten onartu.
Laguntzaren ordainketa
Ordainketa banku-transferentzia bidez egiten da jabetza-administratzailearen kontura. Ezin da abantzurik edo zati ordainketarik ordaindu.
Laguntza behar dut
Laguntza honi edo zure laguntza-eskaeraren dosierrari buruzko edozein informazio edo galderatarako, sar zaitez harremanetan Bizilekuaren eta Energiaren Etxearekin.
Zure eskaera izapidetzearekin zerikusia duen beste edozein galderatarako, Bizileku Pribatuak zerbitzura idatz dezakezu: habitatcommunaute-paysbasquefr.