Dirulaguntzak euskal mendiarentzat

Apustuak

Proiektuek, mendian bizitzeko eta mendia bizirik atxikitzeko aukera ahalbidetu behar dute Horretarako, honako 4 erronka hauetako bati erantzun behar diote:

• 1. erronka: hiri eta herri dinamikoak (etxebizitza aukerak, mendiko mugikortasuna, herrietako bizimodua, haranetako dinamika)
• 2. erronka: mugazgaindi antolatutako eta kudeatutako lurraldea (kudeaketa partekatua, artzaintza, bitarteko eremuak, arrisku naturalak eta klima-aldaketa, jardueren bizikidetza)
• 3. erronka: kalitatezko eskualdeak (laborantzaren, turismoaren eta aisialdien arteko oreka, zirkuitu laburrak eta elikagaien ekoizpena, sektoreen egituraketa, bereziki basogintzarena, ondarea eta paisaiak, trantsizio ekologikoa eta energetikoa, biodibertsitatearen eta artzaintzaren arteko lotura) 
• 4. erronka: ezagutuak, aitortuak eta legitimatuak izatea merezi duten emazteak eta gizonak (mendiko errealitateei akulturazioa, gazteen mobilizazioa, emaztearen lekua baserri munduan) 

Onuradunak

Tokiko kolektibitateak, erakunde publikoak, mendi elkargoak, ekonomia alorreko ganberak, turismo-bulegoak, elkarteak, kooperatibak, lanbide-taldeak...

Onuradunek ikuspegi kolektiboa eta/edo parte-hartzailea izan behar dute. Hau izan daiteke proiektuaren definizioan eta/edo gauzatzean: 

• hainbat onuradunen aldeko proiektua, lankidetza, eragile-sareak sortzea;
• lurraldean dauden beste proiektu batzuekiko artikulazioa eta koherentzia;
• Proiektuaren onuradunen integrazioa/inplikazioa/parte-hartzea (biztanleak, erabiltzaileak...).

Hauta daitezkeen proiektuak

Proiektu mota hauek hauta daitezke:

• Haranetako dinamiken animazioa sustatzen duten ekintza kolektiboak.
• Gizarte lotura eta belaunaldien arteko loturak sortzen edo birsortzen dituzten tokiko ekimenak
• Mendiko herrien erakargarritasuna eta gizarte lotura indartzen duten jendearentzako ekipamenduak eta zerbitzuak. (bereziki azken saltegia)
• Mugikortasunari eta etxebizitza eskuratzeko aukerei buruzko esperimentuak
• Artzaintza babestea eta bizkortzea xede duten proiektu kolektiboak
• Jardueren bizikidetza eta erabilera anitzen kudeaketa hobetzea helburu duten proiektuak
• Fenomeno naturalen eta klima-aldaketaren arriskuak eta inpaktuak aurreikustea edo murriztea ahalbidetzen duten azterketak eta prebentzio-ekintzak 
• Bitarteko eremuak baloratzen dituzten esperimentazio eta ekimen kolektiboak
• Laborantza- eta basogintza-jardueretako produktuak elikatze-logika osasuntsu eta iraunkor batean balorizatzen dituzten proiektuak
• Egurraren/zuraren sektorearen egituraketa eta garapena ahalbidetzen duten proiektuak
• Kudeaketa-proiektuak, ondare- eta turismo-balorizazioko bai eta leku eta mendigune enblematikoetan fluxuak erregulatzeko proiektuak ere
• Natura- eta kultura-ondarea zaintzeko eta balioztatzeko partaidetza-ekintzak
• Transmisioa sustatzen eta baloratzen duten proiektuak
• Lurralde menditsu honetako praktika eta antze espezifikoak
• Gazteak lekuko bizian eta lurralde menditsu honen etorkizunean mobilizatzea sustatzen eta baloratzen duten proiektuak.
• Emazteen eta gizonen arteko berdintasuna sustatzen duten eta emazteek lekuko bizian duten tokia baloratzen duten proiektuak

Kontuan hartzekoa: ekitaldien antolaketa ez da “Mendia” finantzamenduetan sartzen (proiektu deialdi jakin batzuk izan ezik)

Laguntzaren zenbatekoa

Esleitutako zenbatekoa proiektu bakoitzerako espezifikoa izanen da. Zure finantzaketa-planak prestatzen laguntzen zaitugu, gainerako finantzatzaileekin lotura eginez (Estatua, Akitania Berriko Eskualde Kontseilua eta Pirinio Atlantikoetako Departamentu Kontseilua). 

Euskal Elkargoak urtean 250 000 €-ko funtsa aurreikusi du, 2026ra arte.

Gainera, posible da egitura-proiektuetarako finantzaketa europarrak mobilizatzea. EGEF funtsetik (Eskualde Garapenerako Europar Funtsa = FEDER) eta LEADER programatik 4 milioi euro aurreikusten dira mendiarentzat 2023-2027 aldirako.

Diruz lagundutako proiektuen hautaketa

EHEko 30 hautetsik, mendiguneetako 7 hautetsi kudeatzaile kolektibok, 21 kide sozio-profesionalek eta bazkide gonbidatuek osatzen duten Euskal Elkargoko mendi batzordeak proiektuak aztertuko ditu eta irizpen bat emanen du, eztabaida-instantziei helaraziko zaiena.

Batzordea urtean 3-6 aldiz biltzen da. Jean-Baptiste LABORDE-LAVIGNETTE, Sarako auzapeza, buru duelarik.

Proiektuak honako elementu hauen arabera aztertuko dira:

• 4 erronketako bati erantzuteko proiektuaren interesa;
• proiektuaren dimentsio kolektibo eta/edo parte-hartzailea;
• proiektua non kokatzen den garapen iraunkorraren erronkei dagokienez (atal soziala, ekonomikoa, trantsizio ekologikoaren eta energetikoaren atala)
• alde berritzailea/esperimentala/transferigarria.

Nire laguntza eskaera

Eskaera, Euskal Hirigune Elkargoko “Mendia” zerbitzuan aurkeztu behar duzu. Horretarako, beherago deskarga daitekeen formularioa helbide honetara igorri behar da: montagne.paysbasquecommunaute-paysbasquefr