Geldilekuak antolatzeko laguntzak herrientzat

Laguntzaren aurkezpena

Eskubide eta Aukeren Berdintasunari buruzko 2005eko otsailaren 11ko 2005-102 Legearen 45 eta 46 artikuluek behartzen dute helgarritasunerako eskema zuzentzailea presta eta gauzatzera.

Ipar Euskal Herri-Aturriko Mugikortasunen Sindikatua garraioen antolatzaile agintaria da eta, lege horren betetzearen ardura duenez, hiri sarearen helgarritasun moldeak zehaztu behar ditu.

Horrek honako hau dakar: 100 000 eta 200 000 euro arteko aurrekontu kopurua.

Hautagai izateko baldintzak

Laguntza Ipar Euskal Herri-Aturriko Mugikortasunen Sindikatuaren lurraldeko 161 herrientzat da (Euskal Elkargoaren 158 herriak, Ondres, Tarnoze eta Saint-Martin-de-Seignanx).

Hautagai diren gastuak

Mugikortasunen sindikatuaren esku hartze araudiak zehazten du aurrekontuaren banaketa: 

• Bide propioko garraio kolektiboaren bideetan kokaturiko geldilekuak: % 100ean egituraren obraburuak bere kargura hartuak;
• Bide propioko garraio kolektiboaren bideetatik at: % 60 bideen kudeatzailearentzat (Departamendua, herria) eta % 40 mugikortasunen sindikatuak, geldileku bakoitzerako gehienez 5000 eurorekin.

Urteko gastua 100 000 eta 200 000 euro artekoa da, hau da, urtean 10-20 geldileku, geldileku bakoitza arauetan emateko batezbesteko gastua 10 000 eta 15 000 euro artekoa delarik.

Nire laguntza eskaria

Eskariak 2 alditan banaturik dira:

• Geldileku(ar)en antolaketa proiektua (aurreproiektuaren azterketa maila) igorri beharko zaie mugikortasunen sindikatuaren zerbitzuei, onarpen teknikoa eman dezaten geldilekuen antolaketa erreferentzien arabera; 
• Lanak egin ondoren, dosier osoa igorriko zaio mugikortasunen sindikatuari. Dosierrak honako hauek ekarri beharko ditu: ohar teknikoa, kokalekuen planoa, geldilekuaren antolaketa planak eta lanen kopuruaren kitapen xehea.