Herriak helbideratze sistema eguneratzen laguntzea

Xede-publikoa

Hirigune Elkargoko 158 herriek helbideak eguneratzeko zerbitzu komunarekin bat egitea aukera dezakete, betiere Frantziako Helbideen Base Nazionalean (BAN) BAL formatuko tokiko helbideen base bat badute. 

Zertarako balio du laguntza horrek?

Helbideak eguneratzeko zerbitzu komunak etengabe bermatzen du herriei helbideratzean laguntzea, laguntza metodologiko, tekniko eta koordinazio laguntzaren bidez. Laguntza horren baitan sartzen dira:

• Aditu-ebaluazio metodologikoa
  • helbideratze-doktrina eguneraturik atxikitzea;
  • tokiko jagoletza eta jagoletza nazionala.
• Aditu-ebaluazio teknikoa
  • Helbideen Base Nazionalean helbideratzea eraikitzeko eta zabaltzeko tresna bat eskura jartzea. Tresna hau GéoBasque-n ostatatua da (Elkargoko GISen);
  • tresnaren mantentzea eta bilakaera teknikoa;
  • tresnen arteko elkarreragingarritasuna (aukera teknikoen arabera).
• Herriak formatzea eta tresnaren erabiltzaileen kontuak administratzea
• Laguntza tekniko eta metodologiko jarraikia
• Proiektuaren koordinazioa helbideratze arloko eragileen artean (SDIS*, DGFIP*, Fibre64, EHEko hizkuntza-zerbitzua, EHE barneko helbideratzearen erabiltzaileak: hondakinen bilketa, fiskalitatea, ura, lurzoru eskubidearen baimena*), eta herrien artean, herriarteko bideak edo bide mugakideak. harmonizatzeko.

*SDIS = suteen eta salbamenduen departamenduko zerbitzua

*DGFIP = Finantza Publikoen Zuzendaritza Nagusia

* ADS = Lurzoru eskubidearen baimena

Gainera, Euskal Hirigune Elkargoak eskuragarri jartzen du Elkargoko datuen oinarrira sartzeko GIS tresna (Geografía-informazioko Sistema).

Zerbitzuaren kostua

2023ko urtarrilaren 1az geroztik, helbideak eguneratzeko zerbitzu komunean parte hartzeko herriek ordaindu behar dute, eta hitzarmen bat sinatu behar da.

Izen ematea edo ezeztatzea noiznahi egin daitezke. Urtesaria herriko biztanleriaren araberakoa da.

Zergatik tarifa espezifiko bat Hego lapurdiko elkargorako?

Hego Lapurdiko herriek jadanik badute helbideak eguneratzeko tresna bat, partekatutako GIS zerbitzu komunean sartua. Urtesarian, laguntza metodologikoa eta proiektuaren koordinazioa soilik sartzen dira.

Izen-emate eskaera

Eskaerak urtean zehar egin daitezke.

Helbideak eguneratzeko zerbitzu komunean parte hartu nahi duten herriek Herriko kontseiluan deliberatu beharko dute eta sinatutako hitzarmenaren bi ale itzuli beharko dituzte herriek helbide honetara:

Euskal Hirigune Elkargoa

LEAB ZON*, Administrazio eta Finantza Zerbitzua
Foch Marexalaren hiribidea, 15 - CS 88 507 - 64185 BAIONA

*DGA STAH = Direction Générale Adjointe Stratégie Territoriale, Aménagement et Habitat 

*LEAB ZON = Lurralde estrategiaren, Antolaketaren eta Bizilekuaren Zuzendariordetza Nagusia

Beherago, Herriko kontseiluan eztabaidatzeko proposamen bat aurkituko duzu (deskargatzeko), baita hitzarmen-eredu bat ere.