Herriei laguntza, okzitaniera-gaskoi zerbitzu bat sortzeko

Testuingurua eta apustuak

Euskal Elkargoaren okzitaniera-gaskoiaren aldeko hizkuntza-politikaren helburua hizkuntza zabaltzeko ekimenak bultzatzea da, okzitaniera-gaskoia herrien eskumenetan integratzearen alde lan eginez.

Herriko Etxe handientzat (10.000 biztanletik gorakoak), okzitaniera-gaskoiaz arduratuko den teknikari bat zerbitzuetan egotea da tokiko hizkuntza-politika garatzeko modurik eraginkorrena eta handinahiena.

Horretarako, Herriko Etxeetan okzitaniera-gaskoi zerbitzuak sortzeko eta garatzeko laguntza ezartzea proposatzen da.

Nori zuzendua da egitasmoa

Egitasmo 10.000 biztanletik gorako herrietara zuzendua da bereziki, baina neurri ertaineko herriek ere erabil dezakete, zerbitzua hainbat herrien artean partekatzeko aukerarekin.

Euskal Elkargoaren laguntza

Euskal Elkargoak, apalduz joanen den finantza-ekarpena eskaintzen die herriei 3 urtez, teknikari-lanpostu bat sortzeko, honako muga hauetara arte:

• 15 000 € lehen urtean,
• 10 000 € bigarren urtean,
• 5 000 € hirugarren urtean.

Laguntza teknikariaren lan-denborarekiko proportzionala izan daiteke. 

Euskal Elkargoko zerbitzuek lagundu dezakete herriko hizkuntza-politikaren proiektua eraikitzen eta lankidetza-hitzarmena idazten.