Osasunari laguntzeko funtsa

Onuradunak

Onuradunak erakunde publikoak edo elkarteak dira, xedea edozein dela ere, egoitza Ipar Euskal Herrian dutenak edo jarduera Euskal Hirigune Elkargoaren eremuan dutenak

• egoitza soziala Ipar Euskal Herrian duten eta 1901 legedian oinarritzen diren elkarteak;
• edo Ipar Euskal Herrian egoitza duen Frantziako elkarte bateko adar bat, SIRET zenbakia (hala badagokio) eta banku-kontua duena.

Eskaera-txostena aurkezteko unean, egiturek gutienez urtebeteko existentzia justifikatu behar dute.

Diruz lagundu daitezkeen proiektuak

Osasunaren prebentzioan dagoen finantzaketa eta identifikatutako beharrak kontuan hartuz, 2025rako Tokiko Osasun Kontratuan jasotako gai batzuei eman zaie lehentasuna:

1. ardatza – Osasunarendako on diren jokabideen alde aritzea

• 5. helburua : Osasun-berdintasun handiagoaren alde borrokatzea – Prekaritate-egoeran dauden pertsonen osasuna zaintzeko jokabideen aldeko ekintzak

3. ardatza: Osasunarendako egokiak diren ingurunea eta bizi-inguruneak sustatzea

• 3. helburua - Populazioak zaindu bektoreen eraginei (eltxoak, lakastak, etab. ).
• 4. helburua - Kalitatezko kanpo-ingurunerako sarbidea erraztea.

4. ardatza: “Elkarrekin bizitzen” eta hurbileko loturak sendotzen laguntzea

• 2. helburua: Desgaitasuna duten pertsonen zaintzaile ez-profesionalen laguntza hobetzea.
• 3. helburua: Tokiko lankidetza aldeaniztuna garatzea, sufrimendu psikikoa duten pertsonen ongizatea eta gizarteratzea sustatzea.

Dirulaguntzaren zenbatekoa

• Tasa: proiektuan diruz lagun daitezkeen gastuen kostu osoaren % 70,  zergak barne (BEZa itzultzen zaien erakundeen kasuan izan ezik). Tasa hori proiektuarentzat jasotako beste laguntza publikoen arabera egokitu ahal izango da.
• Goimuga/Behemuga:  emandako dirulaguntza gehienez 10 000 €-koa da proiektu bakoitzeko, eta gutieneko zenbatekoa 2 000 €-koa da.

Nire laguntza-eskaera

2025. urterako laguntza-eskaeren epea uztailaren 25a arte irekia izanen da. 

Zure dirulaguntza eskaera osatzen laguntzeko eta zure proiektua aipatzeko, gure taldearengana hurbiltzera gonbidatzen zaitugu. Jar zaitez gurekin harremanetan helbide honetara idatziz: cls@communaute-paysbasque.fr

Eskaerak,

• Internet bidez aurkez daitezke, eskaera-orria online betez;
• posta elektronikoz aurkez daitezke: cls@comunaute-paysbasque.fr helbidera igorriz, (FDS2025 adierazi postaren xedean);
• postaz aurkez daitezke, zure txostena eta nahitaezko egiaztagiriak helbide honetara igorriz:

Euskal Hirigune Elkargoa

Elkartasun eta Osasun Zuzendaritza

Foch etorbidea, 15 - CS 88 507 64185 BAIONA CEDEX

Nahitaezko egiaztagiriak

Osatua izateko, laguntza-eskabideak dokumentu hauek izan behar ditu:

Proiektuaren egitura juridikoari buruzko dokumentuak:

• Elkartearen estatutu sinatuen kopia
• Aldizkari ofizialean argitaratzearen fotokopia.
• BEZa ordaindu behar ez izatearen ziurtagiria, beharrez.
• Azken finantza aldiko jarduera-txostenak
• Elkarte enplegatzaileentzat bakarrik:
  • Biltzar Nagusiak onartutako eta erakundeko lehendakariak eta diruzainak ziurtatutako azken ekitaldiko emaitzen kontua
  • proiektua daraman egitura juridikoaren uneko ekitaldirako aurrekontu-aurreikuspena, legezko ordezkariak datatua eta sinatua
• Egitura juridiko eramailearen izena daraman bankuko nortasun agiria

Proiektua aurkezteari buruzko dokumentuak:

• Laguntza eskabide-txostena (ikus beherago)
• Proiektuaren deskribapen zehatza, aurreikuspen-egutegia barne
• Aurkeztutako proiektuaren aurrekontu-aurreikuspena

Euskal Hirigune Elkargoak eskaera izapidetzeko beharrezkoak diren edozein dokumentu gehigarri eska dezake.

Laguntza esleitzeko eta ordaintzeko baldintzak

Hautaketa irizpideak

• Eskabide txostenak Euskal Hirigune Elkargoak eta Eskualdeko Osasun Agentziak – Pirinio Atlantikoetako departamenduko ordezkaritzak – jaso ahala aztertuko dira. Onargarritasun-baldintzak betetzen dituzten proiektuak honako irizpide hauen arabera hautatuko dira:
• Ekintzaren egokitasuna beharren azterketaren bidez
• Onuradunen eta lekuen identifikazio argia
• Lurralde berean dauden programa eta ekintzekin aurreikusitako artikulazioa
• Proiektuaren koherentzia: beharren, helburuen, garatutako metodoaren, baliabideen (finantza-baliabideak, giza baliabideak, denbora) eta ebaluazio-modalitateen arteko egokitasuna.
• Proiektuaren egingarritasuna: elkarlanaren kalitatea, helburuak eta egutegia ea errealistak diren, esku hartzen duen taldearen gaitasunak
• Finantzatze errealista, aurreikusitako esku-hartzera hertsiki bideratutako eta zorrozki aurkeztutako gastuen eta diru-sarreren lerroekin. (esku-hartzearen aurrekontu-proiektua, autofinantzaketaren zatia, beste iturri batzuetatik datorren finantzaketaren zenbatekoa eta eskatutako dirulaguntzaren zenbatekoa barne).

Oharra :

• euskararen edo okzitaniera gaskoiaren erabilera baloratua izanen da dosierra aztertzerakoan.
• Bi saiotan diru-laguntza ukan duten proiektu-eramaileek ezinen dute saio honetan parte hartu, eta gomitatuko ditugu dosier bat pausatzera ondoko saioan.
• Ikastetxeen egiten diren esku-hartzeak ARS eta Bordeleko akademiaren arteko eskualdeko hitzarmen baten baitan daudenez, ezin izanen dira AAP honetan finantzatu.

Dirulaguntzaren ordainketa

• Laguntzaren % 100 proiektuaren hasieran emanen da.
• Azkenean proiektua ez bada batere egiten edo ez bada osoki egiten, dirulaguntza ezeztatu edo proportzionalki birkalkulatuko da, eta egindako ordainketak itzultzeko eskatu ahal izanen da.

Laguntza behin betiko emateko, Euskal Hirigune Elkargoko Kontseilu Iraunkorraren erabakia beharko da.