Txirrindetarako azpiegiturak sortzeko laguntzak herriei

Laguntzaren aurkezpena

Lurralde guztietan bizikleta sare jarraitu eta segurtatuak hedatzea dugu bizikleta bidezko eguneroko lekualdaketak garatzeko bide nagusietako bat. Diruzko baliabide honek bideen kudeatzaileak laguntzen ditu bizikletentzako azpiegitura jarraitu eta segurtatuak antolatzen, eta bermatzen du lurralde osoa Ipar euskal Herri-Aturri bizikleta sare baten logikari jarraikiz saretzea.

Hautagai izateko baldintzak

Laguntza Ipar Euskal Herri-Aturriko Mugikortasunen Sindikatuaren (IEHAMS-SMPBA) lurraldeko bideen kudeatzaile diren obraburu publiko guztientzat da. Diruzko sostengua jasotzeko honako baldintza hauek bete behar dira: 

• Antolaketa hori departamendu, herriarte edo herri mailako bizikleta eskema baten barneko urraspide batean kokatua izatea;
• Antolaketa hori bizikleta ibilbide jarraitu eta segurtatuaren logikan kokaturik izatea; 
• Norabide seinaletika plantan eman izana;
• Gutxieneko autodiruztapen zatia % 20koa izatea.

Hautagai izan litezkeen gastuak

Mugikortasun sindikatuaren gehienezko esku hartze maila antolaketa berria kokatuko den ibilbidearen izaera egituratzaile ala bigarren mailakoaren arabera zehaztuko da, honako maila eta gehienezko kopuru hauekin: 

Nire laguntza eskaria

Obraburuari eskatzen zaio hautagaitza bakarra aurkez dezala ibilbidearen/proiektuaren mailan.

Hautagaitza dosierrak honako dokumentu hauek behar ditu ekarri: 

• Egituraren legezko ordezkariaren gutuna;
• Proiektua eta aurreikusi antolaketari loturiko lanak onartzen dituen obraburuaren deliberamendua;
• Erreferentziako bizikletabide eskema eta, halakorik ezean, egunerokoan bizikletazko lekualdatzeetarako jokagaiak eta espero diren helburuak azaltzen dituen oharra (+/- 15 lerro);
• Proiektuaren azalpen fitxa, honako hauek ekarriz, besteak beste: 
  • Proiektuaren azalpen teknikoa
  • Aurrekontua eta diruztapen plana
  • Gauzatze egutegia
• Kostuen azalpen fitxa;
• Dokumentu osagarriak:
  • Aitzinetiko azterketak eta aitzinproiektu azterketak; halakorik ezean, begiztatu azterketaren edukia (Klausula Tekniko Partikularren Bilduma-CCTP, Enpresentzako Deialdi Dosierra-DCE);
  • Ibilbidearen kartografia eta kokaleku planoa;
  • Ebakidura nagusiak, tarte homogeneo bakoitzeko zeharkako eta luzerako profilak;
  • Egikaritze planak edo, gutxienik, aitzinproiektu planak;
  • Behar diren/eskuratu diren baimenen zerrendak.

Hautagaitza dosierra desmaterializaturiko bidez behar zaio Mugikortasunen Sindikatuaren Mugigarritasun Aktibo eta Partekatuen Zerbitzuari (ohiko harreman bideak), lanen faseari ekin aitzin. Obralariak sindikatuaren lehendakariari eska diezaioke, halere, legezko ordezkariak sinatu gutun baten bidez, bere hautagaitza hau bururatu aitzin lanei aitzinetik ekiteko baimena.