Euri-urak berrerabiltzen ditut

Barneko erabilera 

Euri-urak bil daitezke erabilera pertsonal edo profesional baterako, janariaren kontsumotik aparte. Bizitegi edo lokalaren barnean, euri-urak honako kasuetan soilik erabil daitezke: 

• Komuneko turrusta betetzeko;
• Zola garbitzeko;
• Xuriketak egiteko, desinfekzioa segurtatzen duen ura tratatzeko dispositibo bat erabiliz gero. 

Oharra: amianto-zementu edo beruna duen teilatu batetik isuri diren euri-urak barnean erabiltzea debekatua da. 

Kanpoko erabilera 

Euri-urak berrerabil daitezke libreki bizitegiaren kanpoan, besteak beste lorategia ureztatzeko edo beribila garbitzeko. 

Gordetzea 

• Bilduriko euri-urak soilik helgarri ez den teilatu batetik (salbu honen artatzeko eta garbitzeko) isuri behar izan dira;
• Ura lur gaineko edo lurperaturiko ontzi batean gorde behar da;
• Izotz-aurkakorik ez da ezarri behar ura gordetzeko ontzian. 

Segurtasuna 

• Euri-urak bizitegi barnean erabiliz gero, hauen hartzeko dutxuluak argiki identifikatu behar dira;
• Giza-kontsumorako uraren banaketa-sarea eta edateko ez den uraren barneko banaketa-sareak bereizi behar dira argiki eta beti. Giza-kontsumorako uraren banaketa-saretik edateko ez den uraren barneko banaketa-sarera ur-hargunea behar izanez gero, ur-hargunea giza-kontsumorako uraren banaketa-sareko uraren erabateko gainjartze bidez eginen da, edateko ez den uraren banaketa-sarean. Gainezkabidearen sistemak aire-zaindegi ikusgarria, osoa eta librea izanen du, modu iraunkorrean instalatua, baita edateko ez den uraren banaketa-saretik datorren ur-soberakina husteko dispositibo bat ere. 

Seinaletika 

• “Edateko ez den ura” aipua eta piktograma argi bat daramatzan taula bat afixatu behar da euri-urak ateratzen diren puntu guzietan eta euri-urez hornituriko komunetan;
• Taula hori Interneten eskuragarri dago edo xitxuketa saltegietan. 

Giltzatzea 

• Euri-uren dutxuluak giltzatuak izan beharko dira (blokatuak);
• Irekitzea tresna berezi baten bidez egin beharko da, dutxuluari lotua ez dena;
• Edateko ura banatzen duen dutxuluak dauden gela batean ezin da euri-urak banatzen dituen dutxulurik jarri (salbu sotoan, etxazpian edota garajean). 

Ekipamenduen kontrola 

Edateko uraren banaketarako zerbitzu publikoaren ustiatzaileak badu tresneria sanitario pribatua kontrolatzeko eskumena, zerbitzu-araudiak zehazturiko moduen arabera. 

Euri-urak etxe barnean erabiliak badira, honakoak egin behar dira: 

• Euri-urak biltzeko ekipamenduak maiz artatu;
• Artatze horien jarraipen bat segurtatu tresneria sanitarioaren artatze-liburu batean idatziz. 

Sei hilabetetarik behin 

• Ekipamenduen garbitasuna kontrolatu eta “edateko ez den ura” adierazten duen taula badagoela segurtatu;
• Giza-kontsumorako eta euri-urak banatzeko sareen arteko loturik ez dagoela kontrolatu. 

Urtero 

• Irazkiak, ontziaren hustea, garbiketa eta desinfekzioa egin edo eginarazi; 
• Ura banatzen duten dutxuluak eta ur ateak kontrolatu edo kontrolarazi.  

Jarraipen erregularra 

• Muntaduraren artatze sanitarioaren liburu bat eguneraturik atxiki;
• Bizitegia salduz gero, muntadura hori badagoela jakinarazi erosleari. 

Euskal Elkargoak euri-urak biltzeko upelak erosteko diru laguntza bat proposatzen du, irabazi baldintzarik gabe, gainerateko diru laguntza publikoez gain edo horien osatzeko. 

Laborarientzat, euri-urak biltzeko ontziak jartzeko laguntza bat ere proposatua da ErrekAgri dispositiboaren harira.