Ene kontsumoa eta uraren faktura

Zure ur-fakturan agertzen diren informazioak ulertu nahi dituzu, zure ur-kontsumoa nola segi dezakezun jakin nahi duzu eta gerta liteken gorabehera bat gibelatu nahi duzu? Dena esplikatzen dizugu xehe-xeheki.

Eguneratzea:2025(e) ko ekainaren 5a

Nola segitu ene kontsumoa?

Ur-kontagailuak ur kontsumoa neurtzea ahalbidetzen du, metro kubikotan (m³). Jabetza kolektibitatearena da baina mantenua eta arraberritzea ur-hornitzailearen gain da.

Ongi zaintzeko:

  • Izozteak eta kolpeak saihestu;
  • bere kokalekua ez aldatu;
  • zigilu eta segurtasun-markak ez hautsi.

Zure ur-kontagailuaren kontaketa urtean behin egiten da gutienez. Irakurria izan dadin ahalbidetu behar duzu. Kasuen arabera, kontaketa hori presentzialki edo distantzian egin daiteke. 

  • Zure kontsumoa erregularki behatu nahi baduzu: zenbaki beltzak (metro kubikoak) eta gorriak (litroak) behatu;
  • aitzineko zenbakiekin konparatzen ahal duzu egunean duzun batez besteko kontsumoa kalkulatuz (irakurritako kontsumoa bi kontaketen arteko egun kopuruarekin zatituz). 
     

Jakiteko on:Isurtze bat detektatzeko, kontagailuko zenbakiak beha itzazu gauean, ohera, ohera joan aitzin, eta berriz goizean, jeikitzean, (urik kontsumitu gabe). Zenbakiak aldatu baldin badira, posible da isurtze bat izatea. Isurtzea hodi pribatu batean gertatzen bada, baldintzak betetzen badira, fakturan apaltze bat ukaten ahal duzu.

Nola irakurri faktura?

Fakturaren aitzinaldean

atzemanen dituzu, besteak beste:

  • bezero erreferentziak (bezero zenbakia, hornidura-helbidea,…);
  • zure ur-hornitzailearen eta saneamendu zerbitzuen datuak (helbidea, telefono zenbakia,…);
  • aurkeztutako fakturaren laburpena (kontsumoa, ordaindu beharreko zenbatekoa, ordainketari buruzko informazioa,…).

Fakturaren gibelaldean

  • “ur edangarriaren banaketa” atala, zeinetan agertzen den parte finko bat (harpidetza) eta parte aldagarri bat (zure kontsumoan oinarrituz m³-tan);
  • “ur zikinen bilketa eta tratamendua”, atala, zure bizitokia saneamendu kolektiboko sare publikoko sare batek hornitzen badu, parte finko batekin (harpidetza) eta parte aldagarri batekin (zure kontsumoan oinarrituz m³-tan);
  • “erakunde publikoak” atala, ur-baliabideen babesteko, sareak modernizatzeko eta kutsaduraren aurka ekiteko ekintzak finantzatzen dituzten erakundeek biltzen dituzten zergak eta ordainsariak barne biltzen dituena, baita Estatuak biltzen duen Balio Erantsiaren gaineko Zerga (BEZ) ere; 

kasuen arabera, harpidetza kontratuari loturiko ordainpeko beste zerbitzu gehigarri batzuk ere atzeman daitezke (irekitze-gastuak, harpidetza eteteko gastuak, fakturaren kopia,…).

Jakiteko on: 2025eko urtarrilaren 1etik, Uraren agentziaren zergen erreformak sistema sinplifikatu du: herritarren botakinei eta sareen mantenuari loturiko zergak desagertu dira. Uraren kontsumoari, sareen kalitateari eta ur zikinen tratamenduaren eraginkortasunari loturiko hiru zerga berrirekin ordezkatu dira. Helburua gastuak hobeki partekatzea eta ura hobeki kudeatzea da.

Erreforma aitzin

Edateko ura:

  • zerga biltzea
  • etxeko kutsadurari buruzko zerga

Saneamendu kolektiboa:

  • bilketa sareen modernizatzeko zerga

Erreformaren ondotik

Edateko ura:

  • ur-baliabideei buruzko zerga
  • ur edangarriaren kontsumoari buruzko zerga (salbuespen bat bada hazkuntza jardueretarako)
  • ur edangarriaren sareen eraginkortasunari buruzko zerga

Saneamendu kolektiboa:

  • saneamendu sistemen eraginkortasunari buruzko zerga

Zein da uraren prezioa ene herrian?

2022ko abenduaren 31an, 575 prezio ezberdin zeuden gure lurraldean, 2018an eskumenak eskualdatzearen ondorio. Ur eta saneamendu zerbitzuen kalitatea hobetzeko eta pixkanaka bakoitzaren ekarpenak harmonizatzeko, prezioak egokitu dira modalitate hauen arabera. 

Partikularrentzat eta enpresentzat
laborariak salbu, 2024ko abenduaren 17ko 53 erabakiak finkatzen du:

  • herri bakoitzaren parte aldagarriaren birdefinitze bat, prezio apalenen emendatze progresibo batekin oinarrizko prezioetara heltzeko (1,92 € BEZ gabe eta zergarik gabe/m³ uraren kasuan eta et 2,72 € BEZ gabe eta zergarik gabe/m³ saneamendu kolektiboaren kasuan. Parte finkoa urteroko harpidetza da, ez da aldatzen (40 € BEZ gabe urtean);
  • emendatze progresibo bat, 40 €-tara mugatua BEZ gabe, 120 m³-ko faktura baten kasuan (4 kideko familia baten erreferentzia).

2026ko urtarrilaren 1ean berrikusitako prezioen gehigarriak osatzen du deliberazio hau

Laborarien kasuan
2024ko abenduaren 15eko 51 erabakiak, tarifa berezi espezifikoak finkatu ditu, ondoko hauen arabera:

  • herri bakoitzaren parte aldagarriaren birdefinitze bat, prezio apalenen emendatze progresibo batekin, gehienez 1,5012 € BEZ gabe eta zergarik gabe ur edangarriaren kasuan eta 2,0386 BEZ gabe eta zergarik gabe saneamendu kolektiboaren kasuan;
  • parte finko bat, urteroko harpidetzaren araberakoa, urtean 40 €-koa BEZ gabe, edo urtean 20 €-koa BEZ gabe “laborantzako kontagailu berdeak” dituzten laborarien kasuan.

Ba zenekiena?

Laboraria zara?  
Uraren eta saneamenduaren kasuan, laborariendako prezio berezia ukateko eskaera egin dezakezu.

Zergatik aldaketa hori?

Xedea funtzionamendu gastuen emendatzea estaltzea da (energia, mantenua,…) eta erronka klimatikoei aurre egitea, hala nola, ur-baliabidearen eskastea eta azpi-egituren egokitzapen beharrak.

Euskal Hirigune Elkargoaren ekintzei buruz gehiago jakin nahi baduzu, ura eta saneamendua zerbitzuak urte guziz argitaratzen dituen jarduera txostenak kontsultatzen ahal dituzu.

Laguntza behar dut

  • Zure ur-harpidetzaren eta fakturen inguruan galderak baldin badituzu, sar zaitez kontaktuan zuzenean zure herriko ur hornitzailearekin.
  • Uraren eta saneamenduaren tarifak herriz herri ezagutzeko, Ur eta saneamendu zerbitzuen Frantziako behatokiakontsulta dezakezue.

Voir aussi