Gestion activa de las zònas de banhada

La Comunautat País Basco e las comunas que desvolopan utís de gestion activa de las zònas de banhada, qui permeten de verificar e d’assolidar aus usatgèrs, quasi suu pic, que l’aiga e es de bona, e lhèu d’excellenta qualitat, quan la banhada e es obèrta. 31 zònas de banhada sus 35 que son classadas d’ « excellenta qualitat » per l’Agéncia Regionau de Santat e 3 de « bona qualitat », subertot mercés aus investiments en assaniment realizats las annadas passadas.

Telecargar lo Guide de Banhada au País Basco 2018 (document en francés, espanhòu, anglés e basco).

La gestion activa de las plajas qu’es operacionau 7j/7 pendent l’estiu (de mai dinc a seteme), datas cambiadissas segon las comunas) hens 35 zònas de banhada deu País Basco (34 plajas e lo Lac de Sent Pèr de Nivela). Que s’empara sus utís innovants qui permeten de :

  • Determinar lèu la qualitat de l’aiga : las analisis desplegadas capvath la costèra que permeten d’obtiéner resultats dab 3h, abans l’obèrtura de las zònas de banhada. Si lo resultat d’analisi e dèisha aparéisher ua degradacion possibla, ua navèra prelhevada qu’es hèita lo matin entà verificar l’evolucion de la situacion.
  • Prevéder l’evolucion d’aquesta qualitat au cors deu jorn : utís de modelizacion que son utilizats hens cèrts sectors complèxes entà facilitar l’interpretacion deus resultats d’analisi combinats a las condicions oceanoclimatologicas (tranga, vent, mareja, …), a las dadas fluviaus e a las dadas deus sistèmas d’assaniment.
  • Aquestes sistèmas competitius de gestion de la banhada que s’emparan tanben sus ua susvelhança de seguida deu sistèma d’assaniment

Telecargar la mapa deu dispositiu de gestion de las zònas de banhada deu País Basco. 

Capture d’écran 2018-07-24 à 16.18.39.png

 

Quin assabentà’s tà çò de la qualitat de las aigas d’ua zòna de banhada ? 

Au temps qui èm, mantuas honts d’informacions que son disponiblas entaus usatgèrs :

  • la senhaletica a l’entrada de las plajas e los drapèus capvath las zònas de banhada,
  • los Oficis de torisme deu País Basco,
  • lo site web mobile : www.plagescotebasque.com,
  • lo site web mobile : www.infoplages.com entà las plajas de Biàrritz,
  • l’afichatge deus resultats d’analisis oficiaus (ARS) e deus arrestats obèrtura/barradura en Mairetat e suus panèus d’informacion de cada plaja (entrada de plaja o pòst MNS).

La Comunautat País Basco e las comunas que vòlen armonizar l’informacion relativa a las aigas de banhada.