Amainatjament e abitat

Amainatjament e abitat - Photo Bidart ©Z.Studio

La Comunautat d’Aglomeracion qu’a en carga la programacion e la realizacion deus grans equipaments, infrastructuras o amainatjaments qui an per mira lo desvolopament duradís, solidari e equilibrat deu territòri.

Entà respóner aus besonhs quotidians deus sons poblants, l’intervencion de la Comunautat que s’esplandeish de la planificacion intercomunau o comunau (Esquèma de cooëréncia territoriau, Plans locaus d’urbanisme, Cartas comunaus…), dinc a la realizacion d’operacions estructurantas d’amainatjament, en passant per la politica de l’alòtge (Programa locau de l’Abitat, ajudas a la pèira a favor deus alòtges locatius sociaus o deu sostien a la reabilitacion deu parc privat). 
 
Los sons projèctes en mestior d’Amainatjament e d’abitat :

  • Realizar tots los estudis e analisis generaus qui pertòcan l'ensemble deu territòri comunautari e en especiau participar a l’elaboracion deu SCOT País Basco – Sud Lanas.
  • Concéber los documents d’urbanisme comunaus e intercomunaus a la pagèra deu territòri.
  • Concéber e realizar lo Programa Locau de l’Abitat.
  • Continuar l’accion a favor de la produccion d’alòtges locatius sociaus.
  • Sostiéner la reabilitacion deu parc privat.
  • Favorizar la coësion sociau, en especiau gràcias a las accions de la politica de la vila.
  • Constituir resèrvas fonsièras tà perméter de definir, crear e realizar los projèctes urbans de vocacion màger d'abitat o d’economia.
  • Agergar, entertiéner e gerir los lòcs d'arcuelh deus bohèmis.