2au edicion deu Festi'joens lo 30 de mai au lac de Samas

La Comunautat d'Aglomeracion País Basco qu'organiza entau dusau còp ua jornada hestiva dedicada aus adolescents . Activitats ludicas, programacion culturau, talhèrs participatius e accions de sensibilizacion que seràn au rendètz-vos .

Un programa variat

Aquera edicion navèra que prepausa un large panèl d'activitats entà animar la jornada : corsa de radèus, banhada, water zòna, rodéo mecanica, ventriglisse.... Ua programacion culturau que vienerà completar lo tot dab teatre fòrum. talhèrs participatius que permeteràn egaument aus joens d'escambiar e de soscar sus subjèctes de societat, dens espacis de paraula animats per professionaus de la joenessa, a l'entorn de tematicas d'informacion, de sensibilizacion e de prevencion. Ua restauracion que serà egaument disponibla sus plaça entà profieitar pleament de la jornada

Deus taulèrs de partenaris

De nombrós actors educatius e a vocacion ciutadana que seràn associats a l'organizacion deu hestau . Que tieneràn deus taulèrs suu site deu lac e qu'animaràn deus talhèrs tot lo long de la jornada, auherint aus joens deus espacis de sensibilizacion sus diferentas tematicas de societat.

Com participar ?

L'accès au Festi'joens qu'ei gratuit e shens inscripcion, obèrt a tots los adolescents acompanhats d'un adulte. Tot lo long de la jornada, la menora rèsta devath la responsabilitat de l'adulte qui l'acompanha, qui s'agesca d'un parent, d'un enquadrant d'arcuelh joens o d'ua auta estructura.