Abitar diferentament País Basco
Aquera navèra websérie en cinc episòdis que'ns convida a soscar a las nostas faiçons d'abitar País Basco. Un subjècte qui convòca au còp aspiracions individuaus pregondas, se sentir plan “a casa”, e deus enjòcs d'amainatjament mei globaux qui deven perméter de respóner aus besonhs d'ua populacion basca creishenta en limitant la soa mèrca sus la natura e lo vivent. Expèrts, elegits, actors de l'abitat o simples ciutadans que'ns contan lo tribalh qui mian entà pensar ac vàder deu territòri e trobar solucions navèras qui permeten de conciliar imperatiu sociau e ecologic.
Actualizat lo : 3 July 2025
Episòdi 1 - « Que cau sortir deu mite deu pabalhon individuau e prepausar autes racontes desirables »
Director generau deu Pòle metropolitan Nantas-Sant Nasari, Frédéric Vasse que mia experimentacions suu son territòri entà renovelar l'espiar sus l'abitat en associant elegits, cercaires e ciutadans. Que'ns presenta lo son metòde e los prumèrs ensenhaments qui'n retira.
Episòdi 2 - Lo BRS, un dispositiu solidari entà respóner a la crisi deu lotjament
Gràcias au Balh Reau Solidari, de las centenas de cobles modèstes que pòden accedir a la proprietat a País Basco. Lo sistèma que permet a las comunas de prepausar lotjaments a prètz atractius en empachant l'especulacion. Un còp de poç dont a beneficiat Amaia Irigaray qui'ns conta lo son bonaür d'abitar dens ua magnifica fèrme reabilitada a Vilafranca, a duas pas deu quartièr on a creishut.
Episòdi 3 - Zèro artificialisation neta : ua sobrietat intelligenta a imaginar
Lo 13 de deceme de 2023, un collòqui gran suu Zèro Artificialisation Neta (ZAN) qu'a amassat a Baiona elegits, urbanistas, expèrts e arrendadors sociaus de País Basco. Amassa, qu'an partatjat constats, inquietuds e solucions entà preservar la tèrra e reïnventar las faiçons d'abitar. Retorn sus ua jornada qui a mercat ua estapa decisiva entà l'aviéner deu territòri.
Episòdi 4 – Quan lo tresau atge se viu en partatge
L'associacion Gurekin que desvolòpa abitats inclusius entà seniors a País Basco . Ua solucion entà copar l'isolament de las personas atjadas e los mantiéner en activitat. Los logataris deu prumèr ostau obèrt a Urt en deceme darrèr que'ns contan la lor vita navèra .
Episòdi 5 - Víver en vila mes a la campanha
A Saint-Palais, vila de 2 200 abitants, los abitants que lògan lo costat arcuelhiu e calorós d'ua comuna a talha umana . Com Claire e Pablo, joens que causeishen de s'i installar entà profieitar d'aquera vita de vilatge a la vila.