Deus sauvaires d'ara enlà formats sus la qualitat de las aigas de banhada

Qu'ei un subjècte qui'us concerneish tots mes que la màger part disen non pas plan conéisher. Dimèrcs darrèr, un trentenat de professionaus de secors e MNS de la còsta basca qu'èran amassats a la casèrna de Sent Joan de Lutz entà assistir a un cors sus la qualitat de las aigas de banhada. Ua tematica integrada peu purmèr còp a las avaloracions d'abans sason e que l'adjudant-cap Olivier Navarro arcuelh dab satisfaccion. « Aqueth tipe d'informacions que mancava . Pr'aquò, qu'ei sovent nosauts qui èm en prumèra linha entà respóner aus banhaires », que reconeish lo responsable de formacion . 

Lutar contra las idèas recebudas 

De cap a un auditòri atentiu, Stéphanie Delporte, cap deu servici « Qualitat de l'aiga e gestion deus mieis aqüatics » a la Comunautat País Basco, que rapèra quauques fondamentaus . Sus las pollucions recercadas, sus las nòrmas a respectar, sus l'enquadrament de l'Estat mes tanben suu dispositiu de susvelhança e de prevencion metut en plaça sus las 35 zònas de banh de País Basco. Imatges animats e grafics au supòrt,  que mòstra aus estagiaris lo tribalh realizat peus préleveurs, los analistas e la coordinacion metut en plaça dab las comunas entà previéner los riscs de pollucion. informacions « claras e interessantas » entà Maxime, 39 ans, cap de pòsta sus la plaja deu Pabalhon Royal a Bidart. « Que's compren mélher com son presas las decisions, per exemple perqué tala plaja ei barrada e pas aquera justa a costat o perqué se tornar ua plaja dens la jornada. » 

Los escambis que son tanben l'escadença de lutar contra daubuas idèas recebudas, sustot suu foncionament de las estacions d'espuracion, sovent mau comprés. « Non, las estacions n'obreishen pas los bacants, que rapèra oportunament Stéphanie Delporte . Que pòt arribar qu'i aja desbordaments a daubuns endrets quan plau de faiçon intensa mes aqueths punts que son controlats en temps reau gràcias a captaders e que son integrats aus nostes modèles de prevision . » Dens la soa presentacion, l'intervienenta qu'insisteish suus esfòrç enterprés per la Comunautat d'Aglomeracion entà modernizar las infrastructuras e melhorar los sistèmas de tractament. « Entà pròva, sus duas annadas comparablas en tèrmes de pluviometria, en 2013 qu'avèvam 20% de barradura de plajas en mejana e l'an passat solament 8%, mentre que dens lo medish temps la reglamentacion s'ei durcida. » 

Ua alga en question 

Au demiei deus motius d'inquietud deus sauvaires, l'aparicion de l'alga Ostreopsis despuish quauquas annadas sus las còstas bascas qu'a tanben permetut de har òbra de pedagogia. « Ostreopsis qu'existeish aulhors dens lo monde, qu'explica la pedagòga . Qu'ei un organisme viu qui a tendéncia a proliferar dens las aigas caudas ». Per l'òra, las rasons deu son desvolopament suu litorau basco que  son enqüèra mau compresas . Lançat l'an passat, lo programa de recèrca transfrontalèr Ostreobila, finançat per la Comunautat d'Aglomeracion País Basco e pilotat per qu'ac JASES Litorau basco, que mira justament a descríver mélher lo fenomèn e definir deus lindaus règlementaires. « Mes totas las dadas deus prelevaments que son dejà difusadas publicament e deus messatges d'alèrta que son enviadasper l'aplicacionKalilo, com entà la rèsta de las pollucions e deus fenomèns qui susvelham », que concludeish la scientifica .  Qu'espèra que l'auditòri se harà lo relai d'aqueths messatges sus las plajas aqueth estiu. En tot, mei de 300 secoristas que seràn formats aquera annada .