Deus talhèrs en euskara : ua prumèra entà l'escòla superiora d'art País Basco

Un talhèr de dessenh e de pintrura en euskara entà las 7/9 ans a Urrugne. Qu'eiaquí l'ua de las nautats deu programa de las practicas amatoras de la rentrada prepausadas per l'escòla superiora d'art País Basco. Ua prumèra tant entà l'escòla, qui entà Nagore Amenabarro, la professora, qui ensenharà peu purmèr còp en euskara… e a mainatges. 

Despuish la Ciutat de las Arts de Baiona, l'ensenhaira que's digó « contenta » per aquera experiéncia. « Que serà un plaser gran d'ensenhar en euskara, la mea lenga mairau », qu'assegura la professora originària d'Amezketa en Guipuzkoa . 

Si los sons estudis an pres sustot entà decòr la facultat de las Bèras arts de Bilbao, on jonglava dab lo basco e l'espanhòu, lo son trajècte professionau que s'ei conjugat au francés aqueras tretze darrèras annadas, dens l'escòla superiora d'art País Basco. Qu'ei donc un retorn a las honts lingüistica qui l'ei auhèrt.  

Cultivar lo plaser de crear

Autanlèu la rentrada de seteme, a rason de sessions de duas òras lo dimèrcs, Nagore Amenabarro qu'arcuelherà dotze mainatges lo matin, dotze autes lo vrèspe, entà los iniciar ad aquera doble practic artistic deu dessenh e de la pintrura. 

L'intervienenta que'us transmeterà las tecnicas classicas : gredon e fusanh, guaisha e aqüarella. practicas qui, segon era, « qu'estructuran la pensada, que neureishen l'imaginari ». Nagore ne's ne tienerà pas au sol aprendissatge tecnic . « Qu'exploraram divèrsas honts d'inspiracion : lo monde qui ns'entorneja, las òbras d'artistas, las fòrmas gessidas de l'imaginacion. »

« Qu'ajudarèi los mainatges a desvolopar un aute espiar, un sens de l'observacion, ua sensibilitat navèra » ce especifica. Lo son leitmotiv entà l'annada : perméter aus mainatges de préner plaser a crear. « Aqueth talhèr navèth que permet de tocar bascofònes joens d'ací, autanlèu lo lor mei joen atge, e de contunhar a har conéisher la nosta escòla de l'auta part », que precisa Frédéric Duprat, lo director adjunt. Ua que convida a descobrir la diversitat deus talhèrs prodigats. E qui sap, desvelhar vocacions. 

A l'obertura deu son Mastèr en art en 2024, l'escòla superiora d'art qu'avèva dejà afirmat la dinamica transfrontalèra deu son establiment. Que s'ei enriquida despuish d'escambis dab las vilas de Gasteiz, Donostia, Irunea e Bilbo, on a teishut en particular deus ligams dab la facultat de las Arts Beròjas de l'Universitat de País Basco (EHU). Aqueth talhèr transfrontalèr entaus mainatges uei prepausat a Urrugne qu'ei un pont en mei .

Practic 

Los cors qu'an lòc los dimèrcs, de 10h a 12h o de 14h a 16h, sala Intzuralde, 51 carrèra de l'isla deus Faisans, a Urrugne. Un davantau que serà utile .
Informacions e tarifas sus : https://www.bab-art.fr/spip/spip.php?article1643