Dus aperets a projècte au sostien de l'agricultura

La Comunautat País Basco que contunha de qu'acompanha en 2025 las espleitacions agricòlas e las enterpresas agroalimentàrias per dus aperets a projèctes :

Bòrdas innovantas e agroécologiques

L'objectiu principau d'aqueth aperet a projèctes qu'ei de sostiéner totas las iniciativas innovantas locaus relhevant d'ua transicion agroécologique, sustot suus maines seguents :

• Iniciativas agroécologiques : practicas culturaus, practicas de neurissatge, preservacion de la biodiversitat, deus sòus e de las ressorsas en aiga, desvolopament de las energias renovelablas, autonomia e resiliéncia de las bòrdas, etc.
• Iniciativas favorizant l'estocatge de carbòni e la diminucion de las emissions de gas d'efèit de sèrra ;
• Iniciativas permetent lo manteniment e la reabilitacion de las diferentas espècias vegetaus e animaus adaptadas au territòri.

Valorizacion de las produccions agricòlas locaus

Aqueth aperet a projèctes que's prepausa de sostiéner totas las iniciativas locaus portadas per agricultors e enterpresas agroalimentàrias avent per mira de :

• desvolopar produits agricòlas e/o agroalimentaris innovants e de qualitat suu territòri (particularament entà las cordèras de produccion dont l'auhèrta ei qualificada de deficitària) ;
• començar e estructurar mòdes de comercializacion en circuit cort (maximum un intermediari enter lo productor e lo consumeire) e de proximitat (febla distància geografica enter lo productor e lo consumeire) de produits alimentaris locaus.

Practic

Los candidats qu'an dinc au dimars 10 de junh a mieidia entà enviar los lors projèctes. Que pòden adreçar las lors questions practicas a la Direccion « Agricultura, agroalimentari, pesca, alimentacion » qui'us poirà acompanhar dens la constitucion deus lors dossièrs de candidatura.

Aperet a projèctes fèrmes innovantas e agroécologiques

Aperet a projècte Valorizacion de las produccions agricòlas locaus