Episòdi 5 – Un programa sus-mesura entà desvolopar l'entrepreneuriat dens los quartièrs
Lançat en 2019, CitésLab qu'ajuda los abitants deus quartièrs prioritaris de la Vila de Baiona a crear la lor enterpresa. Gràcias ad aqueth programa, Rachedi Menaouar qu'a podut lançar dab escaduda la soa pròpia panisseria.
Actualizat lo : 12 December 2025
Farida Schmitt qu'ei ua figura plan coneguda deu quartièr Breuer . Au pè de las impausantas tors de la ciutat deus Hauts-de-Baiona, que passa ua partida deu son temps a « anar cap a » los residents entà los sensibilizar a la question de l'entrepreneuriat. « Estar disponible, qu'ei la basa deu men mestièr, qu'explica la quinquagenària dinamica . Lo men burèu qu'ei tostemps obèrt, pas besonh de préner rendètz-vos ! »
Los mostrar qu'ei possible
Despuish dus ans, qu'ei au cap deu programa CitésLab, un dispositiu portat peu GIP-DSU (Gropament d'Interès Public – Desvolopament Sociau Urbain) de Baiona e de País Basco, finançat per la Comunautat País Basco, qui a per mira d'encoratjar las creacions d'enterpresa dens los quartièrs populars. Lo son perimètre d'intervencion que cobreish las duas zònas prioritàrias de la Vila de Baiona : Breuer e Maubèc-Ciutadèla. Un « petit vilatge » on viven près de 5000 abitants. Que's ved sustot com ua facilitatrice. « las gents deus quartièrs n'an pas aquera cultura de l'entrepreneuriat . Ne's senten pas legitimes, que pensan qu'ei pas entad eths, qui aquò que'us va costar hèra argent. Que soi aquí entà los mostrar qu'ei possible ! » Quan los recep au son burèu, que'us questiona, purmèr, qu'ensaja de dessenhar dab eths los contorns deus lors projèctes e que sonda las lors motivacions . « A la basa, que cau voler vàder cap d'enterpresa. Entà non pas préner risc, que recomandi tostemps d'aviar petit. » Entà ajudar aqueths perfius sovent inexperimentats, que crea formacions sus mesura e a la demanda, « sus la marcatica, los hialats sociaus, las declaracions d'impòst, las règlas sanitàrias... » e recorrut aus sons partenaris entà los guidar au mélher.
Deus conselhs d'aur
Au taulèr de la panisseria petita qui a recrompada tres ans a, Rachedi Menaouar qu'assent deu cap . Qu'ei gràcias aus sons conselhs avisats qui s'i ei escadut. Ancian tecnician de mantenença dens l'aviacion, eth tanben qu'a tot aprés sus la pièla . « l'ajuda de Farida, aquò be vau aur ! », ce reconeish. De cap au milahuelhas administratiu, a las proceduras complèxas e a la miriada d'interlocutors, « que ns'orienta e que tròba solucions rapidas . Aquò que'ns hè ganhar un temps enòrme. E lo temps, b'ei argent ! » Abans eth, l'ancian proprietari de la panisseria qu'avèva metut la clau devath la pòrta . « Véner deu pan, aquò ne rapòrta pas mei gran causa ! », ce planh. Entà non pas pas s'enganar de via, que mia ua rapida estudi de mercat e que decideish dab la soa hemna de méter suu snacking. Lo GIP que negòcia entad eths la recrompa deu fons de comèrci dab l'arrendador sociau e qu'ajuda lo coble a s'installar. « Qu'avèvi besonh d'un horn a pizza . CitésLab qu'avèva dejà los contactes, n'èi pas arren avut a har », que conta lo cap d'enterpresa .
Uei, lo petit ahar familiau que viu hèra plan . La botiga qu'ei vaduda un lòc immancable entaus abitants deu quartièr mes tanben entaus joens deu licèu Etxepare qui vienen en nombre lo mieidia tastar aus burgers, tacos, tenders de poret e autes chocolats de Dubai qui preparan eths medishs « en seguint las recèptas tendéncia sus YouTube. » Dens tres ans, qu'auràn remborsat totaument lo lor prèst bancari e que's projèctan dejà vèrmes de navèths desfís : réaménager l'espaci interior, obrir ua terrassa o perqué pas crompar ua auta botiga.
Aquera success-story ne poiré pas har mei plaser a la lor coach. « Qu'ei entà aquò que'm lhèvi cada matin », que testimònia Farida Schmitt . Despuish lo son lançament en 2019, lo dispositiu CitésLab qu'a dejà ajudat près de 180 enterpresas a se crear locaument dab un taus de mauescaduda plan febla, mensh de 5%. Au delà de l'escaduda deu programa, qu'ei tanben la portada simbolica qui retien. « Totas aqueras beròjas istòrias, aquò que balha un aute imatge deus quartièrs qui la qui s'enten tostemps dens los mèdias. » Un movement qui espèra véder contunhar a créisher.