Euskararen Urtaroa : 100 eveniments entà víver en euskara deu 21 de noveme au 3 de deceme

Deu 21 de noveme au 3 de deceme, Euskararen Urtaroa que valoriza l'accion collectiva de la Comunautat País Basco, de las comunas, associacions e actors privats entà desvolopar servicis, de las atrunas e deus espacis qui facilitan la practica de l'euskara au quotidian. rendètz-vos inedits que seràn prepausats sus l'ensemble deu territòri : conferéncias, espectacles, talhèrs, visitas guidadas... ua varietat d'activitats orientadas suu plaser e los lésers entà tastar, escotar, lira, o simplament practicar l'euskara.

Deus eveniments sus tot lo territòri

Deu 21 de noveme au 3 de deceme, 100 eveniments que van perméter a cadun d'i trobar entau son compte. En aquí quauques exemples :

• Deus espectacles a véder e a escotar : Lo dissabte 22, l'espectacle musicau e poetic « Bidasoatik Harago » (Au delà de la Bidassoa) que serà-jogat a Tardets Sorholus . Lo medish dia ua representacion de l'espectacle Plisti Plasta de la companhia Alabena entà las familhas e mainadas de 2 a 7 ans qu'aurà lòc a Hasparren . La pèça de teatre Itzulera de la companhia Dejabu qu'ei programada lo divés 28 a Saint-Palais.
   
• Deus talhèrs entà apréner e pensar : Pendent tota la durada d'Euskararen Urtaroa, l'exposicion « Pirinioetako hizkuntzak/Las lengas deus Pirenèus » prepausat per Euskaltzaindia, l'Acadèmia de la lenga basca, que serà expausada a Kanbo . Lo dijaus 27 de noveme, ua conferéncia participativa a perpaus de l'orientacion deus mainatges que serà prepausada per l'associacion Launako a Larcevau-Arròs-Cibits. Lo dissabte 29 de noveme, un talhèr sus l'alimentacion equilibrada deus mainatges de 3 a 10 ans que's tienerà a Bardòs . L'empontaire e cercaire Peio Berterretxe que balharà ua conferéncia suu ròtle de la cavaucada au dia de uei : « cultura populara basca e diglossia », lo 27 de noveme au Musèu Basque a Baiona.
   
• De las activitats entà jogar e tastar : lo dimèrcs 26 de noveme a Ustaritz, un talhèr ràdio que permeterà aus joens de 16 a 25 ans de preparar ua emission retransmetuda en dirècte sus las ondas de Gure Irratia. Lo dissabte 22 de noveme, un talhèr creatiu qu'aurà lòc entà la realizacion de mini-libes dab l'associacion Educenjeu obèrt a tots a partir d'8 ans, a la mediatèca comunautària de Sent Jan-Pè-de-Pòrt. Divés 28 de noveme, un caraoqué qu'ei organizat a Ordiarp per l'associacion Khanta Urdinarbe.
   
• De las sortidas entà descobrir e apreciar lo territòri : lo dimèrcs 26 de noveme o 3 de deceme, a Baigòrri, ua visita guidada de l'espaci istoric Mehaka qu'ei organizada . Lo medish dia, ua visita guidada deu convent deus récollets qu'ei prepausada a Ciboure per l'associacion Lagun Artean, a la descobèrta deus procès en broishami.

Ua navèra edicion obèrta a tots

Euskararen Urtaroa qu'ei obèrt a tots, e cadun qu'i pòt trobar lo son compte !

• Entaus euskaldun e los locutors navèths, qu'ei ua oportunitat beròja d'encontres e de moments agradius partatjats en euskara.
• Entaus aprenents, qu'ei l'escadença perfèita entà practicar e s'immergir dens un environament bascofòne.
• E entaus qui desiran descobrir l'euskara, de las animacions dab traduccion simultanèa que permeten un prumèr contacte dab la lenga .

Euskarararen Urtaroa que's debana dinc au 3 de deceme, jornada internacionau de l'euskara. 

Que retrobatz tots los eveniments sus l'agenda en linha : https://www.communaute-paysbasque.fr/actualites/agenda/programme-euskararen-urtaroa-2025